Luka 12:32 - Sră Goh 2018

³² Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 12:32 ပူးပေါင်းရင်းမြစ်များ

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Mathiơ 14:27

Yàng Jesu đơs mo mơ bol khai lah: “Kơ̆ tĕ nùs; Añ do, bañ rngòt.”

Mathiơ 20:16

Behơ̆ cau lồi dut rơp gơs sơnròp, mơ cau sơnròp rơp gơs lồi dut.”

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Luka 10:21

Kung tòm jơ hơ̆, Yàng Jesu geh hòn chò tòm Yàng Hwềng Goh mơ đơs lah: “Ơ Bèp la Yàng trồ tiah dê, Añ ưnngài Bèp, bơh Bèp neh pồn ală bơta do bơh di ală cau jak chài àng loh, mơ yal tơlik ală kơnòm dềt in. Ngan, ơ Bèp, bơh bơta hơ̆ niam nùs Bèp.

Jang 18:36

Yàng Jesu ho lah: “Lơgar Añ ò di bal mơ dunnia do. Dilah lơgar Añ bal mơ dunnia do, gen ală cau jat Añ neh tòmlơh, nàng Añ ò kong bơtào tòm tê cau kwang Juda dê mơya tŭ do lơgar Añ ò di bal mơ dunnia do.”

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Broă 20:29

Añ git lah tơnơ̆ mơ tŭ añ lòt, gen rơp gơs so rhau jàñ bơsak mut tòm oh mi, gơ ò pơlai mpồl belàt ò.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.