Luka 12:26 - Sră Goh 2018

²⁶ Behơ̆ dilah broă dềt rhền rlau jơh mơ bol mê ò rgơi lơh, mbe bol mê rgơi kơlôi rcang bơh ală broă ndai taih?

Luka 12:26 ပူးပေါင်းရင်းမြစ်များ

Đơs Crih 39:6

Ngan, kòp nă cơnđòa lòt ò gơkrơi be dô nơm mƀur, Bơta kơlôi rcang khai dê la ò kwơ; Cau tơrgòm pơjum phan mơna, mơya ò git ñcau rơp dòp prap.

Cau Bơto 7:13

Sền sơwì tĕ broă lơh Yàng Tom Trồ dê; ñcau rgơi lơh song wơl ală phan Yàng neh lơh kwe taih?

Mathiơ 6:25

Behơ̆ tàng Añ đơs mơ bol mê: Bañ kơlôi rcang bơh bơta kis he dê, ñchi ai sa, ñchi ai ñô, hala bơh să jan he dê, ñchi ai soh. Bơta kis ò di la màng rlau mơ phan sa, mơ să jan ò di la màng rlau mơ phan soh ò ơ?

Luka 12:25

Gơs cau lơi tòm bol mê bơh kơlôi rcang mơ bơtơl rài kis he in jòng rlau sơl ơ?

Luka 12:27

Sền tĕ di ală bơkào hòn tòm ƀlàng be lơi: gơ ò bòl glar, ò rồi brài; mơya Añ đơs mơ bol mê, bulah Salômôn pas sơm kàr lơi, kung ò gơs soh be dô nơm tòm ală bơkào hơ̆.

Luka 12:29

Behơ̆ gen bol mê bañ kơlôi rcang phan sa, phan ñô, kung bañ gơs nùs kơlôi rcang ir.

I Pier 5:7

Jào phi tĕ jơh ală bơta kơlôi rcang oh mi dê Kơnràñ in, tài bơh Kơnràñ òs sền gàr oh mi sùm.