Luka 12:20 - Sră Goh 2018

²⁰ Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

Luka 12:20 ပူးပေါင်းရင်းမြစ်များ

Este 5:11

Haman jòng să khai dê mơ bol hơ̆ bơh bơta pas sơm ngan khai dê, bơh ală kòn klau khai dê, mơ bơh jơh ală bơta mơ cau bơtau neh lơh nàng bơtào khai in geh jòng màng, mơ mbe cau bơtau neh tơngguh khai hơđang ală cau kwang dờng ryŭ ndai mơ ală cau kwang duh broă bơtau dê.

Sră Jop 27:8

Ñchi cau ò dòn duh gơn kơnòm tòm tŭ Yàng Tom Trồ tơnroh bol khai, tòm tŭ Yàng Tom Trồ tă bơta kis bol khai dê taih?

Đơs Crih 39:6

Ngan, kòp nă cơnđòa lòt ò gơkrơi be dô nơm mƀur, Bơta kơlôi rcang khai dê la ò kwơ; Cau tơrgòm pơjum phan mơna, mơya ò git ñcau rơp dòp prap.

Đơs Crih 49:10

Ngan, khai rơp gŏ bulah cau jak chài kung chơt, Cau bơrngơl mơ cau gơla kung pal chơt roh behơ̆ sơl, Mơ lòi phan mơna he dê cau ndai in.

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Đơs Crih 78:30

Mơya lài mơ tŭ bol khai òhềt geh wil tơl jat nùs bol khai hàm kòñ, Tòm tŭ phan sa gam tòm bơr bol khai dê,

Jơnau Pơnđik 10:2

Phan ò song ring ò gơs kwơ dô êt lơi: Mơya bơta song ring dong klàs bơh bơta chơt.

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Jơnau Pơnđik 13:7

Gơs cau lơh be pas, mơya ò gơs phan lơi; Kung gơs cau lơh be rƀah, mơya gơs phan mơna oă.

Jơnau Pơnđik 27:1

Bañ jòng să bơh ngai hìng; bơh kòn ò git ngai hìng rơp gơlik gơs bơta lơi.

Jơnau Pơnđik 28:8

Cau lơi kơnòm di cồng nha mơ sa cồng oă rlau mơ bơta boh lam mơ lơh phan mơna he in gơbơtơl oă, gen prap lòi phan hơ̆ cau gơs nùs nđàc sơngit cau rƀah lơòi in.

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Jeremi 17:11

Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Amôs 6:13

Bol mê la ală cau hòn chò tòm Lô Debar mơ đơs lah: “Ò di bol he neh kơnòm di pràn tòm bol he dê mơ geh Karnaim ò ơ?”

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Luka 11:40

Ơ ală cau bơrngơl gơla ne! Bơtau neh crơng gơs đah bơdìh, ò di neh crơng gơs đah dơlam tai sơl ơ?

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Timôthe 6:7

Bơh bol he ò cèng phan lơi tòm tŭ mut tòm dunnia, mơ bol he kung ò rgơi cèng phan lơi tòm tŭ lik sơl,

Jakơ 4:14

Mơya oh mi ò git ngai hìng rơp gơlik be lơi! Bơta kis oh mi dê la ñchi taih? Bơh oh mi be dà tŭ, gơlik tòm dô êt jŏ gen roh thit.