Luka 12:15 - Sră Goh 2018

¹⁵ Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 12:15 ပူးပေါင်းရင်းမြစ်များ

I Ală Bơtau 2:40

Kơno behơ̆, khai kơt ừn alàng khai dê mơ lòt tus hơ Akis tòm Gat nàng jòi ală cau dĭ khai dê. Behơ̆ Simei neh lik lòt mơ cèng brê wơl ală cau dĭ khai dê bơh Gat.

Sră Jop 2:4

Satan ho Yàng Jehôwa lah: “Ai gơltau tơm gơltau; jơh ală phan mơna cau gơs nàng tơm ala bơta kis khai dê.

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 37:16

Phan cau song ring bulah dô êt, Mơya niam rlau mơ phan oă tơngkah tơngkañ ală cau iơh bơsak dê.

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Jơnau Pơnđik 15:16

Chan gơs mìng dô êt phan mơna mơ duh rngòt di Yàng Jehôwa, Niam rlau mơ oă phan mơna mơ nùs dơrcul bơh gơ.

Jơnau Pơnđik 16:16

Geh bơta jak chài, ngan màng rlau mơ màh ngan ò git nđò! Geh àng loh, ngan di pal rlau mơ priă ò git nđò!

Jơnau Pơnđik 28:16

Kwang siơ̆u bơta git wă kung rồn bơklơn cau oă; ai cau gơjrañ di bơta sềt pơniă rơp geh kis jŏ.

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Habakuk 2:9

Bòl glar ngan cau lơi in bơt hìu khai dê kơnòm di cồng nha iơh bơsak, lơh rsòn khai dê hơđang tiah jơnhoa, tồ geh klàs bơh di ală bơta tơnroh tus.

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Luka 12:16

Kơnràñ đơs mơ bol khai dô jơnau pơnyơu lah: “Mìr sre cau pas sơm ne gơs oă ngan kòi.

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

II Timôthe 3:2

Bơh cau rơp kòñ gơboh di să tòm he, hàm hà jền priă, jòng să, pơnhừ să, bơrsèl tơnhial, ò dòn bơr mè bèp, ò kah bơta nđàc, ò sàng goh,

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.