Luka 11:42 - Sră Goh 2018

⁴² Mơya bòl glar bol mê in la cau Pharisi! Bơh bol mê neh ơn dô pơnah jơt biap trau, biap krồng mơ ală biap ndai, mơ sang lòi bơta song ring mơ nùs kòñ gơboh di Yàng Tom Trồ. Ală bơta do bol mê pal lơh mơ kung ò di lơi hŭi ală bơta ne sơl.

Luka 11:42 ပူးပေါင်းရင်းမြစ်များ

Nehemi 10:37

mơ kung cèng kơmbuh piang lă sơnròp bol hi dê, ală phan ơn, ală plai chi, tơrnòm mơ mơñà tus hơ ală đam tòm hìu duh khoai Yàng Tom Trồ bol hi dê. Mơ kung tus hơ ală cau Lebi ală pơnah jơt bơh ù tiah, la ală cau dòp pơnah jơt bơh ù tiah tòm ală ƀòn dờng bol hi dê.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Cau Bơto 7:18

Bơta niam hơ̆ la mê sơmbat kơ̆ dô bơta; mơ kung bañ kwòr tê hơ bơta ne; bơh cau lơi duh rngòt Yàng Tom Trồ rơp geh pơrdòn jơh bàr bơta hơ̆.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Malaci 3:8

“Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 23:27

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê be bơtô ƀồc pih cùr bò, đah bơdìh hàng mơnĕ, mơya tòm dơlam bềng ntìng cau chơt mơ jơh ală bơta ƀơ̆ ƀơl.

Luka 18:12

Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’

Jang 5:42

Mơya Añ git bol mê ò gơs bơta kòñ gơboh Yàng Tom Trồ ơm tòm bol mê.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.