Luka 11:40 - Sră Goh 2018

⁴⁰ Ơ ală cau bơrngơl gơla ne! Bơtau neh crơng gơs đah bơdìh, ò di neh crơng gơs đah dơlam tai sơl ơ?

Luka 11:40 ပူးပေါင်းရင်းမြစ်များ

Sơnròp Gơlik Gơs 1:26

Yàng Tom Trồ đơs lah: “Bol He lơh gơs tĕ kòn mơnus be rùp He mơ tòm toh be He nàng khai at bồ ală ka tòm dàlềng, ală sềm hơđang trồ, ală phan poan jơng tòm hìu, ală phan poan jơng tòm brê hơđang ù, mơ ală phan wìn nsròng lam jơh ù tiah.”

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Đơs Crih 14:1

Cau bơrngơl gơla đơs tòm nùs lah: “Ò gơs Yàng Tom Trồ.” Bol khai ƀơ̆ iơh lơm, bol khai lơh ală bơta ngkòr ngkàc, Ò gơs cau lơi lơh bơta niam.

Đơs Crih 33:15

Kơnràñ mòn nùs jơh ală cau, Sền sơwì jơh ală broă bol khai dê.

Jơnau Pơnđik 1:22

“Ơ ală cau ƀă liă, bol mê kòñ bơta ƀă liă bol mê dê jơl tus di tŭ lơi taih? Ală cau dơñŏ tơnhial kòñ bơta dơñŏ tơnhial bol mê dê, Mơ ală cau bơrngơl gơla gơjrañ kơuềng di bơta git jak jơl tus di tŭ lơi taih?

Jơnau Pơnđik 8:5

Ơ ală cau tùl gơla, bơtê tĕ bơta git kơrhia; Ơ cau siơ̆u bơta jak chài, jòi jat tĕ gơ.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do:

Khà Làng Bol 16:22

Mơya Môise mơ Arôn tơmbic să blup mat di ù mơ rac dan lah: “Ơ Yàng Tom Trồ la Yàng Tom Trồ ală hwềng jơh kòn mơnus dê, Kơnràñ rơp gơhào gơjrañ mơ jơh mpồl jơnum tòm tŭ gơs mìng dô nă tìs glài sơl ơ?”

Mathiơ 23:17

Ơ cau bơrngơl gơla mơ jơngo! Phan lơi la màng rlau, màh hala hìu duh khoai lơh màh in gơlik gơs sàng goh taih?

Mathiơ 23:26

Ơ cau Pharisi jơngo ne! Lài ngan rào tĕ tòm dơlam mơngàn mơ prềng, gen đah bơdìh kung goh sơl.

Luka 12:20

Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

I Kôrintô 15:36

Ơ cau tùl gơla ne, phan lơi mê sih, dilah ò chơt lài gen kung ò kis wơl sơl.

Hebrơ 12:9

Mơ tai, bol he neh gơs bèp đah poac să lơh glài tơmàl, mơ bol he duh rngòt di bol khai, tơ ài lah Bèp đah hwềng gen bol he ò dòn duh sơlo rlau tai nàng geh kis ò ơ?