Luka 11:39 - Sră Goh 2018

³⁹ Mơya Yàng Jesu đơs mơ khai lah: “Do bol mê la ală cau Pharisi rào goh đah bơdìh mơngàn mơ prềng, mơya đah dơlam bol mê bềng lìu bơta sa kwà mơ iơh bơsak.

Luka 11:39 ပူးပေါင်းရင်းမြစ်များ

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

II Yal Yau 25:2

Khai lơh bơta di niam di đap mat Yàng Jehôwa, mơya òhềt jơh nùs song ngan.

Đơs Crih 22:13

Bol gơ ha bơr di añ, Ò gơkrơi be klìu triă jak kap crè mơ ơluh ơhùm.

Jơnau Pơnđik 26:23

Bơr sơndồi ngac ngar mơ nùs iơh bơsak, ò gơkrơi be gri mơ ù ƀềp màh priă bơcă.

Jơnau Pơnđik 26:25

Tŭ khai đơs bơkah lơngồt, gen bañ dòn; bơh tòm nùs khai gơs poh bơta cù kìr.

Jơnau Pơnđik 30:12

Gơs dô jơi bơtiàn kơlôi sơnơng he la sàng goh, mơya òhềt geh rào goh bơh bơta ƀơ̆ ƀơl he.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Luka 7:13

Yàng gŏ cau ùr hơ̆ gen gơs nùs nđàc sơngit mơ đơs lah: “Bañ ñìm.”

Luka 7:19

Gen Jang hòi bàr nă cau bơtê khai dê sồr lòt tus hơ Yàng mơ đơs lah: “Ồng la Bơtau pal tus, hala bol hi pal gơn Bơtau ndai taih?”

Jang 12:6

Khai đơs behơ̆, ò di tài bơh kơlôi bơh cau rƀah lơòi ò, mơya bơh khai la dô nă cau ntung kơñau, mơ prap kơldung priă, gen tàng khai òs kơñau priă mơ cau neh ơn tòm hơ̆.

Jang 13:2

Tòm tŭ sào mho, cà ràk neh ơn bơta pơrlơ̆ dră di Kơnràñ tòm nùs Juda Iskariôt, kòn Simôn dê.

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Galati 1:14

añ ntoat tơngguh tòm gùng duh khoai cau Juda dê rlau jơh mơ ală cau dô rơh dô rài bal mơ añ: Añ la cau ngac ngar rlau jơh bơh jơnau òs yau ồng pàng añ jê.

II Timôthe 3:5

đah bơdìh gơlơh be duh rngòt, mơya neh pơndang sang gơnap gơnoar bơta hơ̆ dê. Ală cau behơ̆ gen mê pleh tĕ ngài.

Sră Pơyoa Pol Dê Pơyoa Tit In 1:15

Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.