Luka 11:36 - Sră Goh 2018

³⁶ Gen behơ̆ dilah jơh să jan mê la àng loh, ò gơs pơnah lơi klam jơngo, gen rơp àng làm jơh, kung be bơta àng đèng pơnđàng mê in sơl.”

Luka 11:36 ပူးပေါင်းရင်းမြစ်များ

Jơnau Pơnđik 1:5

Lòi ală cau jak chài in kung kơno mơ geh bơtơl bơta git jak, Mơ cau git kơlôi sơwì dòp geh bơta chài rgơi,

Jơnau Pơnđik 20:27

Hwềng nùs kòn mơnus ngan la dô nơm đèng Yàng Jehôwa dê, sền sơwì ală tiah jrô ndơp nùs dê.

Jơnau Pơnđik 6:23

Bơh bơta sồr lam la dô nơm ồs đèng, boh lam la bơta àng, mơ bơta lah pơrhơng bơto tơngkah la gùng bơta kis dê.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Mathiơ 5:15

Kung ò gơs cau lơi chu đèng mơ ơn tòm thùng, mơya ơn hơđang jơng đèng, gen gơ sòl pơnđàng kòp nă cau in tòm hìu.

Luka 11:35

Behơ̆ kơrmap gàr tĕ, rngòt bơta àng tòm mê gơlik bơta klam jơngo mòn.

Luka 11:37

Tòm tŭ Yàng Jesu đơs sir rau, gơs dô nă cau Pharisi jà Kơnràñ sào mho tòm hìu khai. Gen Kơnràñ mut nggui sa.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.