Luka 11:34 - Sră Goh 2018

³⁴ Mat mê la đèng să jan dê; tŭ mat mê niam, gen jơh să jan mê gơs àng loh, mơya tòm tŭ mat mê ò niam gen jơh să jan mê gơs klam jơngo.

Luka 11:34 ပူးပေါင်းရင်းမြစ်များ

Sơnròp Gơlik Gơs 19:11

mơ lơh jơngo mat làng bol ơm đah bơdìh mpồng bơh cau kơnòm tus di cau kra, gen bol khai jòi mpồng glar tơn mơ ò gŏ.

Đơs Crih 119:18

Dan Yàng pò mat añ, Nàng añ in sền gŏ ală bơta crih crài tòm bơta boh lam Kơnràñ dê.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Jơnau Pơnđik 21:4

Muh mat pơnhừ, nùs jòng să, mơ ồs đèng cau iơh dê la tồi glài.

Jơnau Pơnđik 28:22

Cau gơs nùs sềt pơniă, mhar gơlik pas gơs, mơ ò git lah bơta roh gơcoh ngan rơp tus.

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 42:19

Ñcau la cau jơngo, mơya la cau duh broă Añ jê, mơ cau tĭ tồr kung be cau kong sồr mơ Añ neh sồr lòt taih? Ñcau la jơngo kung be cau ơn să Añ in, hala cau jơngo kung be cau duh broă Yàng Jehôwa dê taih?

Esai 44:18

Bol khai ò git bơta lơi, bol khai ò git wă bơta lơi; gar mat bol khai gơkòl lềt wơl gen tàng bol khai ò rgơi gŏ, nùs tồr bol khai gơkòl kal wơl gen tàng bol khai ò rgơi git wă.

Esai 5:20

Bòl glar cau lơi in sơnđan bơta iơh la niam, bơta niam la iơh, sền bơta jơngo la àng, bơta àng la jơngo, kòp phan bơtang la lơngồt, phan lơngồt la bơtang!

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Jơnau Niam Jat Mak 8:18

Bol mê gơs mat mơ ò gŏ? Gơs tồr mơ ò kơno? Bol mê ò kah wơl ơ?

Luka 11:35

Behơ̆ kơrmap gàr tĕ, rngòt bơta àng tòm mê gơlik bơta klam jơngo mòn.

Broă 13:11

Tŭ do tê Yàng lơh glài mê, mê rơp jơngo, ò gŏ mattơngai tòm dô pah tŭ.” Tŭ hơ̆ mo, bơta klam jơngo dùh hơđang Elimas, khai tơbư gùt dar, jòi cau tề khai lòt.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 6:5

Ơ cau la dĭ gơna, pal rngòt rơm să tĕ, ai nùs song ngan mơ dòn bơr cau tòm he dê jat đah poac să, be gơwèt mơ Bơtau Krist,

Kôlôse 3:22

Ơ cau la dĭ gơna, tòm jơh ală bơta dòn duh tĕ cau tòm mê dê jat đah poac să, ò di bơh bơta duh broă di đap mat cau, be cau kòñ lơh niam nùs cau, mơya bơh duh rngòt di Yàng, ai tĕ nùs song ngan mơ duh broă.