Luka 11:26 - Sră Goh 2018

²⁶ Gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr.”

Luka 11:26 ပူးပေါင်းရင်းမြစ်များ

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Mathiơ 12:45

gen gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr. Jơi bơtiàn iơh bơsak do kung rơp behơ̆ sơl.”

Mathiơ 23:15

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê lòt làm dàlềng làm ù nàng lam dô nă cau mut tòm gùng duh khoai; dơ̆ khai mut rau, gen bol mê lơh khai in gơlik kòn sau brah tìng bàr dơ̆ rlau mơ bol mê.

Luka 11:25

Dơ̆ rê wơl, gơ gŏ hìu hơ̆ neh pơs goh mơ rơndap niam.

Luka 11:27

Tòm tŭ Yàng Jesu gam đơs ală jơnau hơ̆, gơs dô nă cau ùr tòm mpồl làng bol đơs lah: “Lơngai hìu kòn neh đung Kơnràñ, mơ toh Kơnràñ neh pô.”

Jang 5:14

Tơnơ̆ wơl Yàng Jesu bàn cau hơ̆ tòm hìu duh khoai gen đơs lah: “Do, mê neh bòi rau, bañ tìs glài tai yơ, rngòt gơs bơta lơi iơh rlau tai gơlik mê in mòn.”

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.