Luka 11:22 - Sră Goh 2018

²² Mơya tòm tŭ gơs cau pràn kơldang rlau tus brồ lơh, pha lin rlau mơ khai, gen tòmpìt sơmbrơt jơh ală phan tòmlơh mơ khai neh kơnòm, mơ tòmpà ală phan mơna neh tòmpìt.

Luka 11:22 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Lik Ejiptơ 15:9

Cau sò tơm đơs lah: ‘Añ rơp ting jat, añ rơp ting jat bàn bol khai. Añ rơp tòmpà phan tòmpìt geh; Bơta añ kơp kòñ rơp geh hừh nùs bơh bol khai; Añ rơp tă đào añ jê mơ tê añ rơp tơnroh bol khai.’

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Luka 11:21

Tòm tŭ dô nă cau pràn kơldang soh phan tòmlơh wil tơl nàng sền gàr gơlang khai dê, gen phan mơna khai dê geh sròng lơngap lơngai.

Luka 11:23

Cau lơi ò ơm đah mơ Añ la tòmdră mơ Añ; cau lơi ò gơtòmklac mơ Añ gen lơh gơprah gơpring.

Ephesô 6:11

Mă àñ tĕ jơh ală phan tòmlơh Yàng Tom Trồ dê, tồ oh mi in rgơi ntào jai nàng tòmdră mơ ală kai gơrmơ̆i cà ràk dê.

Ephesô 6:13

Gen tàng ai tĕ jơh ală phan tòmlơh Yàng Tom Trồ dê, tồ tòm ngai rung rài oh mi rgơi tòmdră jai, mơ tơnơ̆ mơ tŭ neh lơh sir jơh ală bơta gen gam ntào kơ̆ sơl.

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.