Luka 11:20 - Sră Goh 2018

²⁰ Mơya dilah Añ kơnòm di ràs tê Yàng Tom Trồ dê nàng bơtrơh cà, gen lơgar Yàng Tom Trồ neh tus hơ bol mê rau.

Luka 11:20 ပူးပေါင်းရင်းမြစ်များ

Lik Ejiptơ 8:19

Ală cau juh proh đơs mơ Pharaôn lah: “Hơ̆ la ràs tê Yàng Tom Trồ dê.” Mơya nùs Pharaôn neh kră kơldang, khai ò iat jơnau Môise mơ Arôn dê, tòm toh be jơnau Yàng Jehôwa neh đơs.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Mathiơ 12:28

Mơya dilah Añ kơnòm dê Hwềng Yàng Tom Trồ dê nàng bơtrơh cà, gen lơgar Yàng Tom Trồ dê neh tus hơ bol mê rau.

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Luka 10:11

‘Tus di thul ƀòn dờng bol mê dê gơđềt di jơng bol hi, gen bol hi kung rtuh sơl nàng lơh cơng tơrwơl di bol mê; bulah behơ̆, pal git bơta do: lơgar Yàng Tom Trồ neh tus rềp mơ bol mê.’

Luka 10:9

Kung sơmbòi tĕ cau kòp jê tềng hơ̆, mơ đơs mơ bol khai lah: ‘Lơgar Yàng Tom Trồ neh tus rềp mơ bol mê.’

Luka 11:21

Tòm tŭ dô nă cau pràn kơldang soh phan tòmlơh wil tơl nàng sền gàr gơlang khai dê, gen phan mơna khai dê geh sròng lơngap lơngai.

Broă 20:25

Mơ tŭ do, añ git lah jơh ală oh mi la cau mơ añ neh bơto yal bơh lơgar Yàng Tom Trồ, gen ò gơs dô nă lơi rơp gŏ mat añ tai.

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.