Luka 10:37 - Sră Goh 2018

³⁷ Khai ho lah: “Hơ̆ la cau neh yal tơlik nùs kòñ nđàc di khai.” Yàng Jesu đơs lah: “Lòt tĕ lơh jat behơ̆.”

Luka 10:37 ပူးပေါင်းရင်းမြစ်များ

Jơnau Pơnđik 14:21

Cau lơi sền òsơp cau gơp ƀòn he, la ală cau tìs glài; Lơngai cau lơi in nđàc sơngit cau dồn sa rƀah.

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Luka 10:36

Tòm pe nă cau hơ̆, mê kơlôi ñcau la cau gơp ƀòn mơ cau gơtìp mpồl cau phà kơñau taih?”

Luka 10:38

Tòm tŭ Yàng Jesu bal mơ ală cau bơtê lòt gùng tus hơ ƀòn ne, gơs dô nă cau ùr sơnđan la Mathe wă rò Kơnràñ mut tòm hìu khai.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,