Luka 10:28 - Sră Goh 2018

²⁸ Kơnràñ đơs lah: “Mê đơs di; lơh tĕ bơta hơ̆ gen rơp geh kis.”

Luka 10:28 ပူးပေါင်းရင်းမြစ်များ

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Jơnau Pơnđik 19:16

Cau lơi prap gàr bơta sồr lam, prap gàr hwềng soàn he dê; mơya cau lơi ò kơrhia gùng dà he dê rơp chơt.

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Lebi 18:5

Prap gàr tĕ ală bơta lơh nền mơ ală bơta boh lam Añ jê; bơh cau lơi lơh jat ală bơta hơ̆ gen bơh hơ̆ rơp kis. Añ la Yàng Jehôwa.

Mathiơ 19:17

Yàng Jesu ho lah: “Ñchi bơh tài mê lùp Añ bơh broă niam taih? Mìng gơs dô Bơtau niam lơm. Dilah mê kòñ mut tòm bơta kis, gen pal prap gàr ală bơta sồr lam.”

Jơnau Niam Jat Mak 12:34

Yàng Jesu gŏ khai ho dô bă jak chài, gen đơs lah: “Mê ò ngài bơh lơgar Yàng Tom Trồ ò. Lồc behơ̆ ò gơs cau lơi khin lùp Kơnràñ tai.”

Luka 7:43

Simôn ho lah: “Añ kơlôi la cau geh sang dồs oă rlau.” Kơnràñ đơs lah: “Mê kơlôi hơ̆ la di.”

Rôma 10:4

bơh Bơtau Krist la bơta lồi dut bơta boh lam dê, nàng kòp nă cau dòn geh kòp la song ring.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 7:10

behơ̆ bơta sồr lam pal lam añ tus hơ bơta kis, mơya gơ lam añ tus hơ bơta chơt.

Galati 3:12

Mơ tai, bơta boh lam ò di be bơta dòn, mơya: “Cau lơi lơh jat bơta boh lam gen rơp kơnòm di bơta hơ̆ mơ geh kis.”

Yal Wơl 6:24

Yàng Jehôwa neh ai jơnau gơnoar sồr bol hi pal prap gàr jơh ală jơnau lơh nền do, mơ rngòt di Jehôwa Yàng Tom Trồ bol hi dê, tồ bol hi rơp geh bơtoah bơtoài sùm sùm mơ geh kis kung be tòm ngai do.