Luka 10:15 - Sră Goh 2018

¹⁵ Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar Làng Ƀồc.

Luka 10:15 ပူးပေါင်းရင်းမြစ်များ

Sơnròp Gơlik Gơs 11:4

Bol khai đơs tai lah: “Behơ̆ bol he bơt tĕ dô nơm ƀòn, mơ bơt dô nơm gơlang jơnhoa tus hơ trồ, bol he lơh tĕ gơs pơnro sơnđan bol he in, rngòt bol he lòt gơprah gơpring tòm ù mòn!”

Esai 5:14

Behơ̆ tàng lơgar làng ƀồc sơlo pò ơnàng bơta jơgloh tơhìr gơ dê, mơ ha bơr dờng ngan ò git lơh; ală cau ryŭ ryơm Jerusalem dê mơ làng bol oă mơ jơh ală cau hòn chò tòm khai mù tềng hơ̆.

Jeremi 51:53

Bulah Babilôn rơp guh tus hơđang trồ, Bulah khai lơh theng jơnhoa ngan mơ kơ̆ cê, Bơh di Añ ală cau tơnroh rơp tus brồ lơh hơđang gơ,” Yàng Jehôwa đơs behơ̆.

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 31:18

Chi lơi tòm ală chi tòm Eden la ndròm be mê tòm bơta gơklŏ mơ dờng ryŭ taih? Tŭ do, mê rơp kong cèng tơmù bal mơ ală chi Eden dê tus hơđơm plai ù; mê rơp bic digùl ală cau ò kong siat gơltau, bal mơ ală cau neh kong tơnchơt bơh đào. Hơ̆ la Pharaôn mơ jơh làng bol khai dê, Jehôwa Yàng Tom Trồ đơs behơ̆.”

Ejekiel 32:18

“Ơ kòn mơnus, pơt wòl tĕ bơh mpồl làng bol oă Ejiptơ dê. Bơtrơh tơlo tĕ làng bol hơ̆ bal mơ ală kòn ùr ală làng bol màng ryŭ tus tòm hơđơm ù, dô bă bal mơ ală cau mù tòm bơtô.

Ejekiel 32:20

Bol khai rơp gơpừ digùl ală cau neh kong sreh tơnchơt. Ejiptơ neh geh jào đào in, gơ geh cèng bal mơ ală làng bol gơ dê!

Ejekiel 32:27

Bol khai ò bic bal mơ ală cau ling tòmlơh neh gơpừ bơh jŏ lài òr, la ală cau neh mù tòm lơgar làng ƀồc bal mơ ală phan tòmlơh bol khai dê, ală đào bol khai dê neh gòl hơđơm bồ bol khai dê, mơ ală khèl bol khai dê ơm hơđang ntìng bol khai dê; bơh bơta rngòt rngơt cau ling tòmlơh neh ơm tòm ù cau kis dê.

Apdia 1:4

Bulah mê par jơnhoa hơđang kung be klàng bung, bulah mê lơh rsòn mê dê digùl ală sơmañ, Añ kung rơp cèng tơmù mê bơh tềng hơ̆,” Yàng Jehôwa đơs behơ̆.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Mathiơ 11:23

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar làng ƀồc! Bơh ală broă gơnap gơnoar neh lơh digùl mê, dilah lơh tòm Sôdôm, gen ƀòn hơ̆ gam wơl tus ngai do.

Mathiơ 4:13

Kơnràñ lik bơh Nasaret mơ tus ơm tòm Kapenaum di gah dàlềng, tòm nhàr tiah Jebulun mơ Neptali,

Luka 13:28

Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

Yal Wơl 1:28

Ntềng đah bol he rgơi lòt taih? Ală oh mi bol he dê neh lơh bol he in gơplơ̆ nùs. Bol khai đơs lah: Ală làng bol tềng hơ̆ la pràn kơldang mơ jơnhoa rlau mơ bol he; ală ƀòn dờng la dờng ngan, ală dơrñang la jòng jơnhoa tus hơđang trồ. Bol hi kung neh gŏ ală cau Anakim ơm tềng hơ̆.’

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.