Luka 1:79 - Sră Goh 2018

⁷⁹ Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Luka 1:79 ပူးပေါင်းရင်းမြစ်များ

Sră Jop 10:22

Tòm lơgar klam cik, mƀur bơta chơt mơ sơlồng sơlàng, La tiah bulah bơta àng kung ò gơkrơi be bơta klam jơngo.’”

Sră Jop 3:5

Lòi bơta jơngo mơ klam cik hòi gơ, Lòi puk mhwal jơm ndơp gơ, Lòi bơta klam jơngo jù cik tơn iu gơ.

Đơs Crih 107:10

Cau ƀà ơm tòm bơta jơngo mơ mƀur klam cik, cau ơm jàm tòm bơta jê sồt bòl glar mơ tòm che sreng lòs.

Đơs Crih 107:14

Kơnràñ tă tơlik bol khai klàs bơh bơta jơngo mơ mƀur klam cik, Kung dơrkă gơltac che sreng neh kơt bol khai.

Đơs Crih 23:4

Bulah añ lòt tòm sơndiang klam jơngo cik, Añ rơp ò rngòt di bơta iơh lơi, bơh Yàng ơm bal mơ añ; Gai lồng mơ gai kwềt Yàng dê pơndòm pơniang añ.

Đơs Crih 25:12

Ñcau la cau duh rngòt dê Yàng Jehôwa taih? Kơnràñ rơp bơto bol khai in git gùng khai pal sac rwah.

Đơs Crih 44:19

Bulah behơ̆, Yàng neh lơh bol hi in lề lac tòm tiah so brê ơm, Ơn bol hi tòm bơta klam jơngo cik.

Jơnau Pơnđik 3:17

Ală gùng lòt gơ dê la gùng hòn chò hừh hơh, Mơ jơh ală gùng hơ̆ la lơngap lơngai.

Jơnau Pơnđik 8:20

Añ lòt tòm gùng song ring, Digùl ală gùng song ngan.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 42:7

nàng pò mat cau jơngo in, hồ cau kòl krơ̆ bơh hìu jàm, mơ toh cau nggui tòm tiah jơngo hìu jàm dê.

Esai 48:17

Yàng Jehôwa, Bơtau Dong Tơwài mê, Bơtau Sàng Goh Israel dê, đơs be do: “Añ la Yàng Jehôwa, Yàng Tom Trồ bol mê, la Bơtau bơto bơta lơi la niam rlau jơh bol mê in, la Bơtau neh tề lam bol mê tòm gùng bol mê pal lòt.

Esai 48:22

“Ală cau iơh bơsak ò geh bơta lơngap lơngai,” Yàng Jehôwa đơs behơ̆.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 49:9

nàng đơs mơ ală cau ơm jàm lah: ‘Lik tĕ,’ mơ đơs mơ ală cau ơm tòm klam jơngo lah: ‘Lòt khat gơboh tĕ!’ Bol khai rơp geh ròng siam di gah ală gùng, mơ geh ƀlàng ñhơt hơđang kòp nơm dòr kơlờl.

Esai 59:8

Bol khai ò git gùng lơngap lơngai, ò gơs bơta song ring tòm ală gùng lòt bol khai dê. Bol khai neh lơh ală gùng bol khai dê gơlik gơs ală gùng rkwet rkwe; Ò gơs cau lơi lòt tòm ală gùng hơ̆ rơp git bơta lơngap lơngai.

Esai 9:2

Làng bol lòt tòm tiah klam jơngo neh gŏ bơta àng dờng; mơ bơta àng neh sòl hơđang ală cau tòm lơgar hơđơm mƀur bơta chơt dê.

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 9:5

Tòm tŭ Añ gam ơm tòm dunnia, Añ la bơta àng dunnia dê.”

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 3:17

Bol khai ò git gùng lơngap lơngai.”

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,