Luka 1:76 - Sră Goh 2018

⁷⁶ Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 1:76 ပူးပေါင်းရင်းမြစ်များ

Đơs Crih 87:5

Cau rơp đơs bơh Siôn lah: “Cau do mơ cau ne neh deh tềng hơ̆.” Bơh să tòm Bơtau Hơđang Rlau Jơh rơp bơtào kơ̆ Siôn.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Mathiơ 14:5

Khai kòñ tơnchơt Jang, mơya rngòt di mpồl làng bol tài bơh bol khai sền Jang la cau gơnoar hwơr.

Mathiơ 21:26

Ai dilah đơs: ‘Bơh cau,’ gen bol he rngòt di làng bol, bơh jơh tơl nă sơnđan Jang la cau gơnoar hwơr.”

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Mathiơ 3:3

Hơ̆ la bơh Jang Ƀaptis mơ cau gơnoar hwơr Esai neh đơs: “Gơs jơnau cau hòi driau tòm ƀlàng bràs lah: ‘Wàs tĕ gùng Yàng in, Bơsong tĕ ală gùng dềt Kơnràñ dê.’”

Jơnau Niam Jat Mak 11:32

Ai dilah bol he đơs: ‘Bơh kòn mơnus’” gen bol khai rngòt di làng bol, bơh jơh tơl nă neh dòp Jang ngan la cau gơnoar hwơr.

Luka 1:32

Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Jang 1:23

Khai ho lah: “Añ la jơnau cau hòi driau tòm ƀlàng bràs lah: ‘Bơsong tĕ gùng Yàng dê,’” be gơnoar hwơr Esai neh đơs.

Jang 1:27

Bơtau hơ̆ tus tơnơ̆ añ, añ ò pal hồ che khŏ Kơnràñ.”

Jang 3:28

Să tòm bol mê lơh cơng añ in lah añ neh đơs: Añ ò di la Bơtau Krist, mơya añ neh geh sồr lòt tus lài mơ Kơnràñ.

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”