Luka 1:74 - Sră Goh 2018

⁷⁴ Tơnơ̆ mơ tŭ neh geh dong klàs bơh di tê ală cau sò tơm rau, Ai bol he in geh duh broă Kơnràñ dô bă ò rngòt,

Luka 1:74 ပူးပေါင်းရင်းမြစ်များ

II Ală Bơtau 17:39

mơya bol mê pal duh khoai Jehôwa Yàng Tom Trồ bol mê dê, Kơnràñ rơp dong tă bol mê klàs bơh tê ală cau sò tơm.”

Đơs Crih 119:134

Dan tơwài añ klàs di bơta rồn bơklơn kòn mơnus dê, Nàng añ rgơi prap gàr ală jơnau sồr Kơnràñ dê.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Luka 1:71

Dong tă bol he lik klàs bơh di ală cau sò tơm mơ bơh dê tê ală cau gơjrañ kơuềng dê bol he;

Luka 1:73

Kơnràñ kung kah wơl jơnau mơ Kơnràñ neh ho nền mơ Abraham ồng pàng bol he dê lah,

Luka 1:75

Tòm bơta sàng goh mơ song ring di đap Kơnràñ jơl jơh rài bol he.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

Hebrơ 2:15

nàng hồ toh jơh ală cau kòl tòm yô dĭ gơna jơl jơh rài he dê bơh rngòt di bơta chơt.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’