Luka 1:35 - Sră Goh 2018

³⁵ Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 1:35 ပူးပေါင်းရင်းမြစ်များ

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 15:16

Tơ ài lah dô nă cau la ngkòr ngkàc mơ jak sa loă, La cau hùc bơta tồi glài iơh bơsak be hùc dà!

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Mathiơ 1:18

Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 14:33

Gen ală cau tòm ơhò tus cùn khoai Kơnràñ mơ đơs lah: “Kơnràñ ngan la Kòn Yàng Tom Trồ dê.”

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Mathiơ 4:3

Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.”

Jơnau Niam Jat Mak 1:1

Bơta rơp sơntòm Jơnau Niam Yàng Jesu Krist dê, la Kòn Yàng Tom Trồ.

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Luka 1:27

tus hơ dô nă cau ơruh sơnđan la Mari, neh ho bau mơ dô nă cau sơnđan la Jôsep, tòm jơi bơtiàn Dabit.

Luka 1:34

Mari đơs mơ cau gơnrơh lah: “Añ ò git cau klau lơi, gen mbe kòñ gơs bơta hơ̆ taih?”

Luka 1:36

Ne Elisabet, jơi bơtiàn ai, kung neh bun dô nă kòn klau tòm tŭ kra; khai la cau pơnro la kơnền mơ do neh bun prau kơnhai rau.

Jang 1:34

Añ neh gŏ mơ lơh cơng lah, hơ̆ la Kòn Yàng Tom Trồ dê.”

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Broă 8:36

Tòm tŭ bàr nă bol khai lòt rò gùng, tus di tiah gơs dà, gen cau kwang kơndời hơ̆ đơs lah: “Do gơs dà do, gơs bơta lơi kơryan añ gơs ƀaptem sơl?” [

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.