Luka 1:28 - Sră Goh 2018

²⁸ Cau gơnrơh mut đơs mơ khai lah: “Ơ cau geh bơta nđàc dờng, lơngai ai in. Yàng ơm bal mơ ai.”

Luka 1:28 ပူးပေါင်းရင်းမြစ်များ

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Mathiơ 12:48

Kơnràñ ho khai lah: “Ñcau la mè Añ, ñcau la oh mi Añ taih?”

Luka 1:27

tus hơ dô nă cau ơruh sơnđan la Mari, neh ho bau mơ dô nă cau sơnđan la Jôsep, tòm jơi bơtiàn Dabit.

Luka 1:29

Khai kơno jơnau hơ̆ gen ò suk ơm ngan, mơ kơlôi sơnơng bơh jơnau còp să hơ̆ la ñchi.

Luka 1:30

Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ.

Luka 1:42

ai jơnau driau dờng lah: “Ai geh lơngai digùl ală cau ùr, kòn tòm kơndul ai kung geh lơngai sơl.

Broă 18:10

bơh Añ ơm bal mơ mê, ò gơs cau lơi sò tơm nàng lơh iơh di mê ò, bơh Añ gơs oă cau tòm ƀòn dờng do.”

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Ală Kwang Cahrña 5:24

Lơngai rlau jơh digùl ală cau ùr la Jael, bau Heber cau Kenit, digùl ală cau ùr ơm tòm sàl, khai gơs lơngai rlau jơh.

Ală Kwang Cahrña 6:12

Cau gơnrơh Yàng Jehôwa dê tơlik mat mơ khai, mơ đơs lah: “Ơ cau ling jak pràn kơldang, Yàng Jehôwa ơm bal mơ mê.”

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”