Luka 1:18 - Sră Goh 2018

¹⁸ Sacari đơs mơ cau gơnrơh lah: “Mbe añ rgơi git bơta hơ̆ taih? Bơh añ neh kra, mơ bau añ kung neh jòng sơnam rau.”

Luka 1:18 ပူးပေါင်းရင်းမြစ်များ

Sơnròp Gơlik Gơs 15:8

Abram ho lah: “Ơ Yàng Jehôwa, tài bơh ñchi añ git lah añ rơp geh lơgar do gơs sre brê taih?”

Sơnròp Gơlik Gơs 17:17

Gen Abraham tơmbic să tòm ù, khai ñŏ mơ đơs tòm nùs lah: “Gơs dô nă cau neh tơl dô rhiang nam rau mơ tơnggơs dô nă kòn klau di sơl? Ai Sara neh sin jơt nam, rơp deh di sơl?”

Sơnròp Gơlik Gơs 18:12

Sara ñŏ tòm nùs mơ đơs lah: “Neh kra be do rau, añ gam gơs bơta chò hòp hơ̆ tai sơl ơ? Mơ kơnràñ añ kung neh kra rau.”

II Ală Bơtau 7:2

Gen cau kwang sền gàr la cau mơ bơtau sơnđìng dê tê khai đơs mơ cau Yàng Tom Trồ lah: “Bulah Yàng Jehôwa lơh ală mpồng dềt hơđang trồ, bơta hơ̆ rơp gơlik gơs sơl ơ?” Mơya Elise đơs lah: “Mê rơp sền gŏ mơ mat mê, mơya mê ò geh sa gơ.”

Esai 38:22

Ejekia kung neh lùp lah: “Gơs tềl lơi ai añ in git la añ rơp geh guh hơ hìu duh khoai Yàng Jehôwa taih?”

Luka 1:34

Mari đơs mơ cau gơnrơh lah: “Añ ò git cau klau lơi, gen mbe kòñ gơs bơta hơ̆ taih?”

Luka 1:7

Bol khai ò gơs kòn, bơh Elisabet kơnền, mơ bàr nă neh jòng sơnam.

Rôma 4:19

Abraham gŏ să jan he mòr chơt, (bơh neh mòr dô rhiang nam) mơ gŏ Sara kung ò rgơi deh tai, mơya bơta dòn ồng dê ò gơhuc.