Luka 1:15 - Sră Goh 2018

¹⁵ Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 1:15 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 48:19

Mơya bèp khai ò bài mơ đơs lah: “Añ git, ơ kòn, añ git. Khai rơp gơlik gơs dô nơm làng bol, khai kung rơp gơs dờng, mơya oh khai kung rơp gơs dờng rlau, mơ jơi bơtiàn khai dê rơp gơlik gơs oă ngan làng bol.”

I Yal Yau 17:8

Añ neh ơm bal mơ mê tiah lơi mê lòt, mơ Añ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê dê gơlik gơs kung be sơnđan ală cau dờng màng rlau jơh tòm plai ù.

I Yal Yau 29:12

Bơta pas sơm mơ bơta jòng màng tus bơh Kơnràñ; Kơnràñ la Bơtau at bồ jơh ală phan. Tòm tê Kơnràñ dê gơs bơta pràn kơldang mơ gơnap gơnoar; mơ hơ̆ la tòm tê Yàng dê lơh gơlik dờng mơ ai pràn kơldang jơh ală cau in.

Đơs Crih 22:9

Mơya Yàng la Bơtau tă tơlik añ bơh kơndul mè, Sền gàr añ tòm tŭ añ ơm di toh mè añ jê.

Jeremi 1:5

“Lài mơ tŭ crơng mòn mê tòm kơndul mè, Añ neh git mê rau; Lài mơ tŭ mê geh deh, Añ neh ơn is mê, bơtào mê lơh gơs cau gơnoar hwơr ală lơgar in.”

Jeremi 35:6

Mơya bol khai ho lah: “Bol hi ò ñô tơrnòm ò; tài bơh ồng pàng bol hi dê la Jônadap, kòn klau Rekap, neh ai gơnoar sồr bol hi lah: ‘Bol mê jơl tus di kòn sau bol mê dê sùm sùm bañ tŭ lơi ñô tơrnòm.

Lebi 10:9

“Mê mơ ală kòn klau mê dê bañ ñô tơrnòm hala phan ñô lơi ndai gơs kañ tŭ lơi mut tòm Sàl Tòm Mat, rngòt bol mê rơp chơt. Hơ̆ la dô jơnau sồr gam sùm sùm bơh rài do tus hơ rài ne.

Sacari 9:15

Yàng Jehôwa Gơnap Gơnoar Dờng Làm Jơh rơp rcang gàr bol khai, mơ bol khai rơp sa loan mơ jă tơnlề ală cau pañ sơna mơ lŭ. Bol khai rơp lơh gơtuh mhàm cau sò tơm bol khai dê kung be cau bơñul; bol khai rơp geh bềng kung be dô nơm jơrlŭ dà ngui nàng rsìh hơđang ală mum cơnòng duh khoai dê.

Luka 1:14

Mê rơp geh hòn chò hừh hơh, mơ oă cau rơp hòn chò tòm tŭ deh khai.

Luka 7:28

Añ đơs mơ bol mê, tòm ală cau deh bơh cau ùr, ò gơs cau lơi dờng rlau mơ Jang; mơya cau dềt rlau jơh tòm lơgar Yàng Tom Trồ la dờng rlau mơ khai.”

Luka 7:33

Bơh Jang Ƀaptis neh tus ò sa piang lă, ò ñô tơrnòm, gen bol mê đơs lah: ‘Khai gơkòl cà lơh.’

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Galati 1:15

Mơya dơ̆ Yàng Tom Trồ, la Bơtau neh ơn is añ bơh tòm kơndul mè, mơ ai bơta nđàc hòi sac añ nàng duh broă Kơnràñ,

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Jôsue 4:14

Tòm ngai hơ̆ Yàng Jehôwa yò tơngguh Jôsue di đap jơh làng bol Israel mơ bol khai ki ngàm di Jôsue, be bol khai neh ki ngàm di Môise tòm jơh rài kis khai dê.