Lik Ejiptơ 18:9 - Sră Goh 2018

⁹ Jetrô hòn chò ngan bơh ală bơta niam mơ Yàng Jehôwa neh lơh Israel in, dong tă bol khai klàs bơh di cau Ejiptơ.

Lik Ejiptơ 18:9 ပူးပေါင်းရင်းမြစ်များ

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 63:7

Añ rơp yal bơh bơta lơbơn niam Yàng Jehôwa dê, bơta jòng ro bơh broă lơh dờng màng Yàng Jehôwa dê, tài bơh jơh ală broă Kơnràñ neh lơh bol he in mơ bơta nđàc dờng mơ Kơnràñ neh ràng tơlik gơwèt mơ hìu Israel jat bơta nđàc sơngit Kơnràñ dê, jat bơta tơngkah tơngkañ nùs kòñ gơboh kơ̆ dơn Kơnràñ dê.

Esai 66:10

Hòn chò tĕ mơ Jerusalem, mơ chò hòp tĕ bơh gơ, hòn chò tĕ bơh gơ! Ơ bol mê jơh tơl nă la cau neh ñìm rac pơt wòl bơh Jerusalem, chò hòp dờng tĕ bal mơ gơ.

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

Rôma 12:15

Chò tĕ bal mơ cau chò, ñìm tĕ bal mơ cau ñìm.

I Kôrintô 12:26

Behơ̆, dilah dô pơnah lơi kong jê sồt, gen jơh ală pơnah ndai kong jê sồt bal mơ gơ, hala dilah dô pơnah lơi geh jòng ro, gen jơh ală pơnah ndai kung hòn chò bal mơ gơ.

I Samuel 15:6

Sol đơs mơ cau Kenit lah: “Lik lòt tĕ bơh digùl làng bol Amalek tồ añ ò tơnroh bol mê bal mơ bol khai; bơh bol mê neh yal tơlik bơta niam lơnhơn mơ jơh cau Israel tòm tŭ bol khai lik bơh di Ejiptơ.” Behơ̆ cau Kenit lik lòt bơh digùl cau Amalek.