Lik Ejiptơ 11:6 - Sră Goh 2018

⁶ Tòm làm jơh lơgar Ejiptơ rơp gơs jơnau ñìm nggà nggồr nggàc ngan, tian gơs òhềt tŭ lơi gơs behơ̆ mơ kung rơp ò tŭ lơi gơs behơ̆ tai sơl.

Lik Ejiptơ 11:6 ပူးပေါင်းရင်းမြစ်များ

Lik Ejiptơ 12:30

Pharaôn mơ jơh ală cau kwang duh broă khai dê bal mơ jơh ală cau Ejiptơ guh tòm trồ mang mơ gơs jơnau pơt wòl nggồr nggàc tòm Ejiptơ, tài bơh ò gơs hìu lơi mơ ò gơs cau chơt.

Amôs 5:17

Rơp gơs bơta pơt wòl tòm jơh ală suơn ño, bơh Añ rơp lòt gan digùl bol mê,” Yàng Jehôwa đơs behơ̆.

Luka 13:28

Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Sôphôni 1:10

Yàng Jehôwa đơs lah: “Tòm ngai hơ̆ rơp gơs jơnau driau dờng di Mpồng Ka, pơt wòl bơh di Ƀòn Dờng Dơ̆ Bàr, mơ dô ntas dờng tơrlah tơrlơm bơh ală dòr.

Ñìm Rac 3:8

Bulah añ hòi driau mơ dan dong kòl, Kơnràñ neh sềt tồr ò iat jơnau hòi dan añ jê;

Jeremi 31:15

Yàng Jehôwa đơs be do: “Cau kơno tòm Rama, Bơta rac ròc mơ nggà ñìm dờng, Racel ñìm bơh ală kòn khai dê, Ò bài pơndòm pơniang Tài bơh ală kòn khai dê ò gam tai!”

Esai 15:8

Bơh dô jơnau ñìm ngkè neh mpong gùt dar ù tiah Môap; jơnau ñìm rac bol khai kơno tus di Eglaim, jơnau pơt wòl bol khai dê kơno tus hơ Beer Elim.

Jơnau Pơnđik 21:13

Cau lơi sềt tồr ò bài iat jơnau hòi driau cau rƀah lơòi dê, cau hơ̆ hòi driau kung rơp ò gơs cau lơi ho wơl.

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Lik Ejiptơ 11:7

Mơya, digùl cau Israel rơp ò gơs dô nơm so lơi khoal di cau hala di phan poan jơng lơi. Gen bol mê rơp git lah Yàng Jehôwa cah is làng bol Israel bơh di cau Ejiptơ.’

Lik Ejiptơ 9:18

Gen tàng ngai hìng, di di jơ do, Añ rơp đùh mìu piar dờng ngan, tian gơs tòm lơgar Ejiptơ bơh tŭ pa bơtào gơs jơl tus di ngai do ò gơs mìu lơi ndròm behơ̆.

Esai 19:16

Tòm ngai hơ̆, cau Ejiptơ rơp be cau ùr, rơm să rngòt di đap tê Yàng Jehôwa Gơnap Gơnoar Dờng neh pò tòmdră mơ bol khai.