Lik Ejiptơ 11:4 - Sră Goh 2018

⁴ Behơ̆ Môise đơs lah: “Yàng Jehôwa neh đơs be do: ‘Pơgap digùl mang Añ rơp lòt làm Ejiptơ.

Lik Ejiptơ 11:4 ပူးပေါင်းရင်းမြစ်များ

II Samuel 5:24

Tŭ lơi mê kơno ntas jơng cơnđòa lòt hơđang cồng ală tòm chi bơñàng, gen bol mê pal rcang; bơh tŭ hơ̆ Yàng Jehôwa neh lik lòt di đap bol mê nàng brồ lơh mpồl ling Philistin dê.”

Sră Jop 34:20

Tòm dô êt jŏ, gen bol khai chơt; Tòm gùl mơnang làng bol rơm să rngòt mơ roh thit, mơ ală cau gơnoar pràn kong cèng pơrdô thit, ò di bơh tê kòn mơnus.

Đơs Crih 60:10

Ơ Yàng Tom Trồ, Kơnràñ ò di sang lòi bol hi ò ơ? Ơ Yàng Tom Trồ, Kơnràñ ò tai lòt bal mơ ală mpồl ling bol hi dê nàng tòmlơh.

Đơs Crih 81:5

Kơnràñ lơh gơs gơnoar sồr lơh nền Jôsep in, Tòm tŭ Kơnràñ lik lòt tòmlơh mơ lơgar Ejiptơ. Añ kơno dô jơnau đơs mơ añ òhềt git, đơs lah:

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Lik Ejiptơ 12:23

Tòm tŭ Yàng Jehôwa rơp lòt gan nàng tơnchơt cau Ejiptơ; Kơnràñ rơp gŏ mhàm di đah đang mơ di bàr đah jrong mpồng gen Yàng rơp pleh bơh di mpồng, mơ Kơnràñ ò ai gơnoar cau tơnroh mut tòm ală hìu nàng tơnchơt bol mê.

Lik Ejiptơ 12:29

Tòm gùl mang, Yàng Jehôwa tơnchơt jơh ală kòn tơnhoa tòm Ejiptơ, bơh kòn tơnhoa Pharaôn dê nggui hơđang sơbàn tus di kòn tơnhoa cau ơm jàm tòm ơdŭ hìu jàm, bal mơ ală kòn tơnhoa jơh phan poan jơng dê.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Amôs 5:17

Rơp gơs bơta pơt wòl tòm jơh ală suơn ño, bơh Añ rơp lòt gan digùl bol mê,” Yàng Jehôwa đơs behơ̆.

Mice 2:13

Dô nă cau pò gùng rơp guh lài mơ bol khai; bol khai rơp brồ tus lòt gan di mpồng dờng mơ lik bơh hơ̆. Cau bơtau bol khai dê rơp lòt gan di đap bol khai, Yàng Jehôwa lam bồ bol khai.”

Mathiơ 25:6

Tus digùl mơnang gơs jơnau hòi lah: ‘Ne, bơrtơu tus! Lik lòt tĕ wă rò khai.’