Lebi 9:22 - Sră Goh 2018

²² Gen Môise pò tê wèt hơ làng bol mơ ai lơngai bol khai in. Neh sir ơn phan ơn tơwài glài, phan ơn chu pơrguc mơ phan ơn ring lơngai, khai mù bơh di cơnòng duh khoai.

Lebi 9:22 ပူးပေါင်းရင်းမြစ်များ

I Ală Bơtau 8:55

Khai ntào ai jơnau đơs dờng mơ ai lơngai jơh mpồl jơnum Israel in mơ lah:

I Yal Yau 23:13

Ală kòn klau Amram dê la Arôn mơ Môise. Arôn neh geh ơn is, khai mơ ală kòn sau khai dê tòm jơh ală rài, geh ơn is ngui ală phan sàng goh rlau jơh nàng ơn ală phan ơn duh khoai di đap Yàng Jehôwa, duh broă di đap Kơnràñ mơ ai lơngai tòm sơnđan Kơnràñ dê gam sùm sùm.

II Yal Yau 6:3

Gen bơtau wơlke mơ ai lơngai jơh mpồl làng bol Israel in, tòm tŭ jơh mpồl jơnum Israel ntào tềng hơ̆.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Lik Ejiptơ 39:43

Môise sền sơwì ală broă mơ gŏ bol khai neh lơh tòm toh jat be Yàng Jehôwa neh sồr. Behơ̆ Môise ai lơngai bol khai in.

Khà Làng Bol 6:22

Yàng Jehôwa đơs mơ Môise:

Jơnau Niam Jat Mak 10:16

Chòp Kơnràñ kơnđu bol khai, ơn tê hơđang bol khai mơ ai lơngai lơngò bol khai in.

Luka 24:50

Gen Kơnràñ lam bol khai lòt tus di ƀòn Bethani, pò tê ai lơngai bol khai in.

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Yal Wơl 10:8

Tòm tŭ hơ̆ Yàng Jehôwa ơn is jơi bơtiàn Lebi nàng tùng Đài Bơta Ho Bal Yàng Jehôwa dê, nàng ntào di đap Yàng Jehôwa duh broă mơ ai lơngai tòm sơnđan Kơnràñ dê kung be bol khai gam lơh jơl tus ngai do.

Yal Wơl 21:5

Ală cau gơnoar ơn phan duh khoai, ală kòn klau Lebi rơp cơnđòa lòt hơđap, bơh Jehôwa Yàng Tom Trồ bol mê dê neh sac rwah bol khai nàng duh broă mơ ai sơnđan Yàng Jehôwa mơ ai lơngai, mơ lơh nền jơh ală bơta tòmlah tòmlơh.

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.