Lebi 8:7 - Sră Goh 2018

⁷ Khai tơnsoh ào dơlam Arôn in, kơt che but khai in, tơnsoh khai in ào jrùh mơ ơn ephot di khai. Môise kung kơt ephot di Arôn mơ che kơt ntơh neh tàñ hàng mơnĕ ngan.

Lebi 8:7 ပူးပေါင်းရင်းမြစ်များ

Lik Ejiptơ 28:2

Jing tĕ ală ồi ào ơn is sàng goh Arôn in nàng khai in geh di pal mơ geh ki ngàm

Lik Ejiptơ 28:4

Do la ală ồi ào mơ bol khai rơp lơh gơs: dô pang ồi dềt kơt ntơh, dô nơm ephot, dô blah ào jrùh, dô blah ào soh dơlam, dô nơm sơgơn mơ dô nơm che kơt but. Bol khai rơp lơh gơs ală ồi ào ơn is sàng goh hơ̆ Arôn bi mê in, bal mơ ală kòn klau khai dê nàng lơh gơs cau gơnoar ơn phan duh khoai duh broă Añ.

Lik Ejiptơ 28:6

Lơh tĕ ephot mơ che màh, bal mơ che brài dà tơlir trồ, dà phồng, mơ bài che dơmài lơbơn tàñ hàng mơnĕ, la broă dô nă cau chài tàñ.

Lik Ejiptơ 29:5

Lồc behơ̆, ai tĕ ală ồi ào tơnsoh Arôn in, hơ̆ la ào soh dơlam, ào jrùh ephot dê, ephot, mơ ồi dềt kơt ntơh. Kơt tĕ ephot dê khai bơh ală che kơt tàñ hàng mơnĕ.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Ejekiel 42:14

Tòm tŭ cau gơnoar ơn phan duh khoai mut tòm ală tiah sàng goh, bol khai ò geh lik bơh tềng hơ̆ nàng lòt tòm ƀlàng bơdìh; dilah bol khai òhềt hồ jơh ală ồi ào mơ bol khai neh soh tòm tŭ duh broă, bơh ală ồi ào hơ̆ la sàng goh. Bol khai pal soh ală ồi ào ndai lài mơ tŭ bol khai lòt tus rềp di ală tiah lòi làng bol in.”

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Galati 3:27

Cau lơi tòm oh mi neh gơs ƀaptem tòm Bơtau Krist hơ̆ la neh dòp soh să tòm Bơtau Krist.

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.