Lebi 8:30 - Sră Goh 2018

³⁰ Gen Môise ai dô êt mơñà ngui nàng bong mơ dô êt mhàm bơh di cơnòng duh khoai mơ rsìh gơ hơđang Arôn mơ ală ồi ào khai dê mơ hơđang ală kòn klau bal mơ ồi ào bol khai dê. Behơ̆ khai neh ơn is sàng goh Arôn mơ ồi ào khai dê mơ ală kòn klau bal mơ ală ồi ào bol khai dê.

Lebi 8:30 ပူးပေါင်းရင်းမြစ်များ

Lik Ejiptơ 28:2

Jing tĕ ală ồi ào ơn is sàng goh Arôn in nàng khai in geh di pal mơ geh ki ngàm

Lik Ejiptơ 29:21

Gen ai tĕ dô êt mhàm hơđang cơnòng duh khoai bal mơ mơñà ngui nàng bong mơ rsìh hơđang Arôn mơ ală ồi ào khai dê, hơđang ală kòn klau khai bal mơ ală ồi ào bol khai dê. Behơ̆ Arôn bal mơ ală kòn klau khai dê mơ ală ồi ào bol khai dê rơp geh ơn is sàng goh.

Lik Ejiptơ 30:30

Bong mơñà tĕ Arôn in mơ ală kòn klau khai dê, ơn is bol khai gơlik sàng goh nàng bol khai lơh gơs ală cau gơnoar ơn phan duh khoai duh broă Añ jê.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Lebi 7:35

Hơ̆ la pơnah tòm ală phan cau ơn chu tòm ồs ơn Yàng Jehôwa in mơ neh tòmpà Arôn mơ ală kòn klau khai in tòm ngai bol khai geh lơh gơs cau gơnoar ơn phan duh khoai duh broă Yàng Jehôwa.

Lebi 7:36

Tòm ngai bol khai geh bong mơñà, Yàng Jehôwa neh ai jơnau sồr cau Israel pal ai phan hơ̆ bol khai in lơh gơs pơnah òs ơn bol khai in bơh rài do tus di rài rơp tus.”

Lebi 8:12

Khai tuh dô êt mơñà ơn is bong hơđang bồ Arôn nàng ơn is khai sàng goh.

Khà Làng Bol 3:3

Hơ̆ la sơnđan mat ală kòn klau Arôn dê, la ală cau gơnoar ơn phan duh khoai neh geh bong mơñà mơ pồ bơtào lơh gơs cau gơnoar ơn phan duh khoai.

Hebrơ 2:11

Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.