Lebi 8:14 - Sră Goh 2018

¹⁴ Gen khai cèng tus kơnrồ dam phan ơn tơwài glài, gen Arôn mơ ală kòn klau khai dê ơn tê bol khai dê hơđang bồ gơ.

Lebi 8:14 ပူးပေါင်းရင်းမြစ်များ

Đơs Crih 66:15

Añ rơp ơn Kơnràñ in ală phan lơmă lơh gơs phan ơn chu duh khoai, Bal mơ ñhŭ dơngi belàt dam; añ kung rơp ơn ală kơnrồ dam mơ be dam. (Selah)

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Ejekiel 43:19

‘Mê pal ơn dô nơm kơnrồ dam lơh gơs phan ơn tơwài glài ală cau gơnoar ơn phan duh khoai in, hơ̆ la jơi bơtiàn Lebi gơrê bal mơ hìu nhă Jadok, la cau tus rềp mơ añ nàng duh broă di đap Añ,’ Jehôwa Yàng Tom Trồ đơs behơ̆.

Ejekiel 43:20

‘Mê pal ai dô êt mhàm gơ mơ bong hơđang poan nơm ngke cơnòng duh khoai dê mơ hơđang poan mum pơnah kềng gùt dar cơnòng duh khoai dê, behơ̆ mê lơh goh cơnòng duh khoai mơ ơn phan ơn tơwài glài gơ in.

Ejekiel 44:27

Tòm ngai khai lòt mut tòm ƀlàng dơlam tiah sàng goh dê nàng duh broă tòm tiah sàng goh, khai pal ơn phan ơn duh khoai tơwài glài să tòm khai in, Jehôwa Yàng Tom Trồ đơs behơ̆.

Lebi 1:4

Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Lebi 16:21

Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs.

Lebi 16:6

Arôn pal ơn kơnrồ dam lơh gơs phan ơn tơwài glài nàng tơwài glài să tòm khai mơ hìu nhă khai in.

Lebi 4:15

Ală cau kwang kra mpồl làng bol dê pal ơn tê bol khai dê hơđang bồ kơnrồ dam di đap Yàng Jehôwa, mơ kơnrồ dam pal tơnchơt di đap Yàng Jehôwa.

Lebi 8:2

“Cèng tĕ Arôn mơ ală kòn klau khai dê, ồi ào bol khai dê, mơñà bong, kơnrồ dam lơh gơs phan ơn tơwài glài, bàr nơm belàt dam mơ dô nơm bài ơn piang lă ò gơs kañ,

Khà Làng Bol 8:12

Tơnơ̆ mơ tŭ ală cau Lebi neh ơn tê bol khai dê hơđang bồ ală kơnrồ dam, gen ngui tĕ dô nơm lơh gơs phan ơn tơwài glài mơ dô nơm ndai lơh gơs phan ơn chu pơrguc nàng tơwài glài ală cau Lebi in.

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.