Lebi 8:13 - Sră Goh 2018

¹³ Gen khai cèng ală kòn klau Arôn dê tus hơđap, tơnsoh ală ào dơlam bol khai in, kơt che but gùt dar wĕ bol khai mơ kơt che kơt bồ hơđang bồ bol khai dê tòm toh jat be Yàng Jehôwa neh sồr Môise.

Lebi 8:13 ပူးပေါင်းရင်းမြစ်များ

Đơs Crih 132:9

Lòi ală cau gơnoar ơn phan duh khoai Yàng dê geh soh mơ bơta song ring, Mơ lòi ală cau dòn song Kơnràñ dê driau bơh hòn chò.

Lik Ejiptơ 40:13

Gen tơnsoh tĕ Arôn in ală ồi ào ơn is sàng goh, bong mơñà khai in mơ ơn is khai sàng goh nàng khai rơp gơs cau gơnoar ơn phan duh khoai duh broă Añ.

Lik Ejiptơ 40:16

Môise lơh jơh ală bơta tòm toh jat be Yàng Jehôwa neh sồr khai.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Ejekiel 42:14

Tòm tŭ cau gơnoar ơn phan duh khoai mut tòm ală tiah sàng goh, bol khai ò geh lik bơh tềng hơ̆ nàng lòt tòm ƀlàng bơdìh; dilah bol khai òhềt hồ jơh ală ồi ào mơ bol khai neh soh tòm tŭ duh broă, bơh ală ồi ào hơ̆ la sàng goh. Bol khai pal soh ală ồi ào ndai lài mơ tŭ bol khai lòt tus rềp di ală tiah lòi làng bol in.”

Lebi 10:5

Behơ̆ bol khai tus mơ cèng ƀồc bol hơ̆ gam soh ào dơlam tus hơ đah bơdìh sàl ơm jat be Môise neh sồr.

Lebi 8:21

Khai ai dà rào ală pơnah tòm dơlam mơ jơng mơ chu jơh dô nơm belàt dam hơđang cơnòng duh khoai lơh gơs dô nơm phan ơn chu pơrguc gơs ƀô bơlhu niam nùs, dô nơm phan ơn chu tòm ồs ơn Yàng Jehôwa in jat be Yàng Jehôwa neh sồr Môise.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”