Lebi 7:31 - Sră Goh 2018

³¹ Cau gơnoar ơn phan duh khoai rơp chu dơngi hơđang cơnòng duh khoai, mơya ntơh gơrê bal mơ Arôn mơ ală kòn klau khai dê.

Lebi 7:31 ပူးပေါင်းရင်းမြစ်များ

Lik Ejiptơ 29:26

Tơnơ̆ mơ tŭ mê neh ai al belàt dam ơn tòm bơta pồ bơtào Arôn gen tơyài tĕ di đap Yàng Jehôwa be phan ơn tơyài, mơ gơ rơp gơrê bal mơ mê.

Lebi 3:11

Cau gơnoar ơn phan duh khoai rơp chu gơ hơđang cơnòng duh khoai lơh gơs phan sa, hơ̆ la dô nơm phan ơn chu mơ ồs ơn Yàng Jehôwa in.

Lebi 3:16

Cau gơnoar ơn phan duh khoai rơp chu ală phan hơ̆ hơđang cơnòng duh khoai lơh gơs phan sa, hơ̆ la dô nơm phan ơn chu tòm ồs, gơs ƀô bơlhu. Jơh ală dơngi gơrê mơ Yàng Jehôwa.

Lebi 3:5

Gen ală kòn klau Arôn dê rơp chu gơ hơđang cơnòng duh khoai hơđang phan ơn chu pơrguc ơn hơđang lòng ồs sa, lơh gơs dô nơm phan ơn chu mơ ồs, gơs ƀô bơlhu niam nùs Yàng Jehôwa.

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 6:16

Arôn mơ ală kòn klau khai dê rơp sa pơnah gam wơl bơh phan ơn hơ̆, mơya pal sa ò gơs kañ di dô bă tiah sàng goh, bol khai pal sa gơ di ƀlàng jơng gùng Sàl Tòm Mat dê.

Lebi 6:26

Cau gơnoar ơn phan duh khoai ơn phan hơ̆ pal sa gơ; pal sa phan ơn do tòm dô bă tiah sàng goh, tòm ƀlàng jơng gùng Sàl Tòm Mat dê.

Lebi 7:34

Bơh di ală phan ơn bơta ring lơngai cau Israel dê, Añ neh ai ntơh tơyài mơ bơnô neh ơn mơ ai jơh Arôn cau gơnoar ơn phan duh khoai mơ ală kòn klau khai in lơh gơs pơnah òs ai bol khai in bơh cau Israel.

Lebi 8:29

Khai kung ai ntơh belàt dam la pơnah gơrê mơ Môise tòm bơta pơjum pồ bơtào, mơ tơyơr di đap Yàng Jehôwa lơh gơs dô nơm phan ơn tơyài jat be jơnau Yàng Jehôwa neh sồr Môise.

Khà Làng Bol 18:11

Do kung la pơnah gơrê bal mơ mê: hơ̆ la phan lơi ơn is bơh di ală phan ơn tơyài cau Israel dê. Añ ai phan hơ̆ mê in mơ ai ală kòn klau kòn ùr mê in lơh gơs pơnah òs ai. Kòp nă tòm hìu nhă mê dê geh goh gen rgơi sa phan hơ̆.

Khà Làng Bol 18:18

Poac rơp gơrê bal mơ mê, kung be ntơh phan ơn duh khoai tơyài mơ bơnô đah ma gơrê bal mơ mê.

I Kôrintô 9:13

Ală oh mi ò git lah cau duh broă sàng goh gen sa phan tòm hìu duh khoai, mơ cau duh broă hơ cơnòng duh khoai gen geh pơnah bơh cơnòng duh khoai ò ơ?

Yal Wơl 18:3

Do la pơnah gơrê mơ ală cau gơnoar ơn phan duh khoai bơh di làng bol la cau ơn dô nơm kơnrồ hala dô nơm belàt: pơnì, ală kàng, mơ ală phan dơlam.