Lebi 7:18 - Sră Goh 2018

¹⁸ Dilah poac lơi bơh phan ơn ring lơngai gam sa tòm ngai pe gen ò geh dòp. Gơ rơp ò geh kòp gơrê bal mơ cau neh ơn gơ, bơh gơ la ò goh; cau lơi sa phan hơ̆ gen pal kong àñ glài.

Lebi 7:18 ပူးပေါင်းရင်းမြစ်များ

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Esai 65:4

la cau nggui digùl ală bơtô ƀồc, drơng mang tòm ală tiah ndơp ndơr, sa poac sur, ơn dà poac ƀơ̆ ƀơl tòm ală glah.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Lebi 10:17

“Ñchi bơh tài bol mê ò sa phan ơn tơwài glài tòm tiah gơrê bal mơ hìu duh khoai taih? Hơ̆ la phan sàng goh rlau jơh; gơ neh geh ai bol mê in nàng tă sang bơta tồi glài mpồl jơnum dê kơnòm di phan ơn tơwài glài bol khai in di đap Yàng Jehôwa.

Lebi 10:19

Arôn ho wơl mơ Môise lah: “Ngai do bol khai ơn phan ơn tơwài glài bol khai in mơ ơn phan ơn chu pơrguc bol khai dê di đap Yàng Jehôwa, mơya bơta hơ̆ neh gơlik gơs di añ. Yàng Jehôwa rơp niam nùs sơl dilah añ neh sa phan ơn tơwài glài tòm ngai do?”

Lebi 11:41

Kòp nơm phan lơi wìn hơđang ù la cù kìr; ò di sa phan hơ̆.

Lebi 17:16

Mơya dilah khai ò pìh ală ồi ào khai dê mơ um dà să tòm khai dê, gen khai pal kong glài.’”

Lebi 19:5

Tòm tŭ bol mê ơn dô nơm phan ơn bơta ring lơngai Yàng Jehôwa in, gen ơn tĕ mbe lơi tồ geh dòp bol mê in.

Lebi 20:17

Dilah dô nă cau klau bau mơ oh ùr khai dê, la kòn ùr bèp khai dê hala kòn ùr mè khai dê, hơ̆ la dô bơta ƀàssìl ƀàsso. Bol khai pal kong tă sang bơh di làng bol bol khai dê. Cau klau hơ̆ neh lơh ƀàssìl ƀàsso oh ùr khai dê, mơ pal kong bơta lơh glài.

Lebi 20:19

Bañ bic mơ oh ùr mè hala bèp bol mê dê bơh bơta hơ̆ lơh ƀàssìl dô nă gơp bơtiàn rềp he dê; bàr nă bol hơ̆ rơp kong bơta lơh glài.

Lebi 22:16

bơh sa ală phan ơn sàng goh neh lơh bol khai in gơkòl glài mơ pal tơm wơl ală phan hơ̆. Añ la Yàng Jehôwa, la Bơtau lơh bol khai in gơs sàng goh.’”

Lebi 22:23

Bulah behơ̆, bol mê rgơi ơn dô nơm kơnrồ hala dô nơm belàt pă hala gơs să jan ò niam lơh gơs phan ơn jat nùs kòñ, mơya gơ rơp ò geh dòp lơh gơs phan ơn geh gơlik gơs wil tơl jơnau srat să ho nền.

Lebi 22:25

mơ bol mê bañ dòp ală phan poan jơng behơ̆ bơh di tê dô nă cau làng bơdìh nàng ơn ală phan hơ̆ lơh gơs phan sa Yàng Tom Trồ bol mê dê. Ală phan hơ̆ ò geh dòp bol mê in, tài bơh gơ ò wil tơl mơ sồt rmàñ.’”

Lebi 5:17

Dilah dô nă cau tìs glài mơ lơh bơta neh bơkơ̆u tòm ală bơta sồr lam Yàng Jehôwa dê, khai neh tìs glài mơ pal kong lơh glài bơh bơta hơ̆.

Lebi 7:19

Poac neh gơtup di phan lơi ò goh jat bơta sồr lam gen ò di sa; pal chu gơtòm ồs. Ai đah pơnah poac ndai gen cau lơi geh goh jat bơta sồr lam gen rgơi sa gơ.

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Malaci 1:13

Bol mê đơs lah: “Ñchi gơs dô bơta bòl glar do taih!” Bol mê chềr muh sền òsơp di Añ. Yàng Jehôwa Gơnap Gơnoar Dờng Làm Jơh đơs behơ̆. “Bol mê cèng ală phan neh tòmpìt sơmbrơt hala kwet gơlte mơ kòp jê, mơ ơn bol gơlơh gơs ală phan ơn duh khoai, gen Añ pal dòp bol gơ bơh di tê bol mê sơl ơ?” Yàng Jehôwa đơs behơ̆.

Khà Làng Bol 18:27

Phan ơn duh khoai bol mê dê rơp geh kòp bol mê in be la kòi mbo bơh di làn jă kòi hala dà pat bơh di mpal pat plai ño.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.