Lebi 7:16 - Sră Goh 2018

¹⁶ Bulah behơ̆, dilah phan ơn khai dê gơlik bơh dô jơnau srat să ho nền hala dô nơm phan ơn bơh nùs kòñ ơn, phan ơn pal sa tòm ngai neh ơn gơ, mơya phan lơi gam wơl gen rgơi sa tòm ngai hìng.

Lebi 7:16 ပူးပေါင်းရင်းမြစ်များ

Đơs Crih 116:14

Di đap jơh làng bol Kơnràñ dê, Añ rơp tơm Yàng Jehôwa in ală bơta añ neh ho pơgon.

Đơs Crih 116:18

Di đap jơh làng bol Kơnràñ dê, Añ rơp tơm Yàng Jehôwa in ală bơta añ neh ho pơgon.

Đơs Crih 66:13

Añ rơp mut tòm hìu Kơnràñ dê bal mơ phan ơn chu duh khoai, Añ rơp tơm Kơnràñ in ală bơta ho pơgon añ jê,

Lik Ejiptơ 35:29

Jơh làng bol Israel, cau klau mơ cau ùr, la ală cau gơs nùs kòñ ơn gen cèng ơn Yàng Jehôwa in ală phan ơn jat nùs kòñ bol khai dê nàng ngui tòm jơh ală broă mơ Yàng Jehôwa neh kơnòm di Môise sồr bol khai lơh.

Jơnau Pơnđik 7:14

Añ gơs phan ơn pơdơng kah bơta nđàc; Ngai do añ neh tơm sir bơta srat să añ.

Ejekiel 46:12

Tòm tŭ cau bơtau rcang gơs dô nơm phan ơn jat nùs kòñ khai dê nàng ơn Yàng Jehôwa in, bulah la phan ơn chu pơrguc hala phan ơn ring lơngai, gen mpồng wèt hơ đah mattơngai lik pal pò khai in. Khai rơp ơn phan ơn chu pơrguc khai dê hala ală phan ơn ring lơngai khai dê kung be khai ơn tòm ngai Saƀat. Gen khai rơp lik, mơ tơnơ̆ mơ tŭ khai neh lik rau gen mpồng pal til wơl.”

Lebi 22:23

Bulah behơ̆, bol mê rgơi ơn dô nơm kơnrồ hala dô nơm belàt pă hala gơs să jan ò niam lơh gơs phan ơn jat nùs kòñ, mơya gơ rơp ò geh dòp lơh gơs phan ơn geh gơlik gơs wil tơl jơnau srat să ho nền.

Lebi 22:29

Tòm tŭ bol mê ơn dô nơm phan ơn ưnngài Yàng Jehôwa in, ơn tĕ mbe lơi nàng geh dòp bol mê in.

Lebi 23:38

Ală phan ơn do la ală phan ơn bơtơl di ală phan ơn ngai Saƀat Yàng Jehôwa dê, mơ bơtơl di ală phan ai gòi bol mê dê mơ ală bơta lơi mơ bol mê neh srat să ho nền mơ jơh ală phan ơn jat nùs kòñ mơ bol mê ơn Yàng Jehôwa in.

Nahum 1:15

Sền ne! Hơđang ală mơnơm gơs mpàng jơng cau cèng jơnau niam mơ yal bơta lơngap lơngai! Ơ Juda, pơjum sa chò hòp tĕ ală ngai wèr mê dê, mơ lơh jat wil tơl ală jơnau ho pơgon mê dê, bơh cau iơh bơsak rơp ò brồ lơh mê tai; bol khai neh kong tơnroh jơh hir rau.

Khà Làng Bol 15:3

mơ bol mê ơn Yàng Jehôwa in ală phan ơn chu pơrguc, bơh di mpồl kơnrồ hala mpồl belàt lơh gơs phan ƀô bơlhu niam nùs Yàng Jehôwa, bulah la ală phan ơn chu pơrguc hala ală phan ơn duh khoai, bơh ală jơnau srat să ho nền hala bơh nùs kòñ ơn, hala phan ơn tòm ngai pơjum sa,

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Yal Wơl 12:17

Bol mê ò di sa tòm ală ƀòn tòm bol mê dê ală phan ơn pơnah jơt bơh kòi mbo bol mê dê, tơrnòm pa mơ mơñà, hala kòn tơnhoa mpồl kơnrồ mơ belàt bol mê dê, hala phan lơi mơ bol mê neh ho ơn, hala ală phan ơn jat nùs kòñ hala ală phan ơn ndai,

Yal Wơl 12:26

Mơya ai tĕ ală phan neh ơn is sàng goh bol mê dê mơ phan lơi bol mê neh ho ơn Yàng in, mơ lòt tus hơ tiah mơ Yàng Jehôwa rơp sac rwah.

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.