8 Yàng Jehôwa đơs mơ Môise lah:
Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.
Ală kòn klau cau gơnoar ơn phan duh khoai Arôn dê pal sing ồs hơđang cơnòng duh khoai mơ dap lòng hơđang ồs.
Cau gơnoar ơn phan duh khoai rơp lơh gơs bơta tơwài glài khai in di đap Yàng Jehôwa, mơ khai rơp geh toh glài bơh bơta lơi tòm ală bơta neh lơh khai in tìs glài.”
“Ai tĕ Arôn mơ ală kòn klau khai in jơnau sồr do: Do la ală sơnoa rnoas bơh phan ơn chu pơrguc: Phan ơn chu pơrguc pal lòi gơ ơm hơđang cơnòng duh khoai mang àng, jơl tus àng drim, mơ ồs pal sa hơng sùm hơđang cơnòng duh khoai.
