Lebi 6:7 - Sră Goh 2018

⁷ Cau gơnoar ơn phan duh khoai rơp lơh gơs bơta tơwài glài khai in di đap Yàng Jehôwa, mơ khai rơp geh toh glài bơh bơta lơi tòm ală bơta neh lơh khai in tìs glài.”

Lebi 6:7 ပူးပေါင်းရင်းမြစ်များ

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Ejekiel 33:19

Mơ tòm tŭ cau iơh bơsak pơrlac sang bơta iơh bơsak bol khai dê mơ lơh wil tơl bơta boh lam mơ bơta song ring, bol khai rơp kis bơh neh lơh broă hơ̆.

Lebi 2:1

Tòm tŭ gơs cau lơi cèng ơn Yàng Jehôwa in dô nơm phan ơn mơ kòi mbo, gen phan ơn khai dê pal geh sac la kơmbuh phe rhền. Khai pal tuh mơñà hơđang gơ, ơn kơlhô hơđang gơ.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 5:10

Mơ sềm dơ̆ bàr, cau gơnoar ơn phan duh khoai rơp ơn be dô nơm phan ơn chu pơrguc, jat be bơta neh lơh nền gơs phan ơn tơwài glài khai in bơh tồi glài mơ khai neh tìs, mơ khai rơp geh toh glài.

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 5:18

Khai pal cèng tus hơ cau gơnoar ơn phan duh khoai dô nơm phan ơn tơwài bơta tồi glài gơtup tìs la dô nơm belàt dam bơh di mpồl belàt khai dê, ò tềl sồt mơ kas màng di pal. Jat bơta neh lơh nền gen cau gơnoar ơn phan duh khoai rơp lơh gơs bơta tơwài glài khai in bơh bơta tìs mơ khai neh gơtup tìs, mơ khai rơp geh toh glài.

Lebi 6:8

Yàng Jehôwa đơs mơ Môise lah:

Lebi 7:2

Phan ơn tơwài glài gơtup tìs pal hàl tơnchơt tòm dô bă tiah mơ phan ơn chu pơrguc neh hàl tơnchơt, mơ mhàm gơ pal rsìh di cơnòng duh khoai hơđang kòp đah.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mathiơ 12:31

Behơ̆ tàng Añ đơs mơ bol mê, kòp bơta tồi glài mơ đơs tràl sơrbil rơp geh toh cau in, mơya bơta đơs tràl sơrbil dê Yàng Hwềng Goh gen ò gơs tŭ lơi geh toh.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.