Lebi 6:5 - Sră Goh 2018

⁵ hala bơh phan lơi mơ khai neh srat să ma blac. Khai pal tơm wơl wil tơl, ai bơtơl tai dô pơnah pram bơta kas màng phan hơ̆ dê mơ ai jơh cau tòm phan hơ̆ in tòm ngai khai ơn phan ơn tơwài glài gơtup tìs khai dê.

Lebi 6:5 ပူးပေါင်းရင်းမြစ်များ

II Samuel 12:6

Khai pal tơm wơl poan dơ̆ rlau mơ khà priă blơi belàt kòn tài bơh khai neh lơh bơta hơ̆ mơ ò gơs nùs nđàc sơngit.”

Nehemi 10:35

Bol he kung lơh nền cèng tus tòm hìu duh khoai Yàng Jehôwa dê ală plai bồ sơnam bơh ù tiah bol hi dê, mơ ală plai bồ sơnam bơh di kòp nơm chi bol hi dê, kòp nam cèng tus hơ hìu Yàng Tom Trồ bol hi dê;

Lik Ejiptơ 22:1

Dilah cau lơi kơñau dô nơm kơnrồ dam hala dô nơm belàt, lồc behơ̆ tơnchơt gơ hala tac gơ, gen khai pal tơm wơl pram nơm kơnrồ dam ala dô nơm, mơ poan nơm belàt ala dô nơm.

Lik Ejiptơ 22:4

Dilah phan poan jơng neh kơñau gam kis tòm ală phan mơna khai gơs, ò git la kơnrồ, alàng hala belàt, gen khai pal tơm wơl bàr dơ̆ rlau.

Lik Ejiptơ 22:7

Dilah cau lơi jào priă hala màh cau gơp ƀòn khai in prap gàr, mơ gơs cau ntung kơñau bơh tòm hìu cau gơp ƀòn hơ̆, dilah cau ntung kơñau gơkòl kup, gen khai pal tơm bàr dơ̆ rlau.

Lik Ejiptơ 22:9

Tòm ală bơta tòm pơndang gơrềng bơh phan mơna, bơh dô nơm kơnrồ dam, dô nơm alàng, dô nơm belàt, ồi ào, hala dô nơm phan lơi ndai neh roh mơ gơs cau đơs lah: “Do la phan añ jê,” gen jơh bàr đah pal cèng bơta hơ̆ tus hơ kwang cahrña. Cau lơi mơ cau kwang cahrña đơs lah gơs glài gen cau hơ̆ pal tơm cau gơp ƀòn khai in bàr dơ̆ rlau.

Lik Ejiptơ 30:7

Kòp àng drim, Arôn pal chu kơlhô hơđang cơnòng hơ̆ tòm tŭ khai rcang ồs đèng.

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Ejekiel 33:15

dilah bol khai tơm wơl phan cau ai bồ nàng càn jền khai dê, tơm wơl phan bol khai neh ntung kơñau, cơnđòa lòt jat ală bơta sồr lam bơta kis dê, mơ ò lơh bơta iơh bơsak, ngan bol khai rơp ò chơt mơya kis.

Lebi 5:16

Khai pal tơm wơl bơta khai neh ò lơh tơl gơwèt hơ ală phan sàng goh, bơtơl tai dô pơnah pram bơta kas màng gơ dê mơ ai jơh cau gơnoar ơn phan duh khoai in, mơ cau gơnoar ơn phan duh khoai ngui belàt dam hơ̆ lơh gơs phan ơn tơwài glài nàng tơwài glài cau hơ̆ in bơh tồi glài mơ khai neh tìs, mơ khai rơp geh toh glài.

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”