Lebi 6:18 - Sră Goh 2018

¹⁸ Kòp nă cau klau tòm kòn sau Arôn dê rgơi sa gơ. Hơ̆ la pơnah òs ai khai in bơh di ală phan ơn chu tòm ồs ơn Yàng Jehôwa in tòm ală rài tơnơ̆. Cau lơi ƀư di ală phan hơ̆ pal gơlik gơs sàng goh.”

Lebi 6:18 ပူးပေါင်းရင်းမြစ်များ

Lik Ejiptơ 29:37

Tòm poh ngai tơwài glài tĕ cơnòng duh khoai in mơ ơn is gơ in gơlik gơs sàng goh. Gen cơnòng duh khoai rơp gơlik gơs sàng goh rlau jơh, mơ phan lơi tup di cơnòng duh khoai gen rơp gơlik sàng goh.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Lebi 4:24

Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài.

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Lebi 4:33

Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc.

Lebi 6:10

Gen cau gơnoar ơn phan duh khoai rơp soh ồi ào mơ brài che dơmài khai dê, gơs ồi ào dơlam mơ brài che dơmài di să khai, mơ rơp chŏ bùh phan ơn chu pơrguc mơ ồs neh sa hơđang cơnòng duh khoai mơ ơn gơ di gah cơnòng duh khoai.

Lebi 6:19

Yàng Jehôwa kung đơs mơ Môise lah:

Lebi 6:27

Phan lơi tòm tup mơ poac rơp gơlik gơs sàng goh, mơ dilah gơs dô êt mhàm lơi gơđềt di ồi ào gen mê pal rào goh gơtòm dô bă tiah sàng goh.

Lebi 6:29

Cau klau lơi tòm hìu nhă cau gơnoar ơn phan duh khoai rgơi sa gơ, hơ̆ la phan sàng goh rlau jơh.

Lebi 7:6

Jơh cau klau tòm hìu nhă cau gơnoar ơn phan duh khoai rgơi sa gơ, mơya pal sa tòm dô bă tiah sàng goh, hơ̆ la phan sàng goh rlau jơh.

Khà Làng Bol 18:10

Mê sa tĕ kung be phan sàng goh rlau jơh, kòp nă cau klau rơp sa gơ; gơ rơp gơlik sàng goh mê in.

Khà Làng Bol 18:8

Gen Yàng Jehôwa đơs mơ Arôn lah: “Do, Añ neh jào mê in rcang gàr ală phan ơn duh khoai ơn Añ in; jơh ală phan ơn duh khoai sàng goh mơ cau Israel ơn Añ in gen Añ ai mê in mơ ală kòn klau mê in lơh gơs pơnah tòmpà gơrê bal mơ mê gam sùm sùm.

I Kôrintô 9:13

Ală oh mi ò git lah cau duh broă sàng goh gen sa phan tòm hìu duh khoai, mơ cau duh broă hơ cơnòng duh khoai gen geh pơnah bơh cơnòng duh khoai ò ơ?

I Pier 1:16

bơh Sră Goh neh cih lah: “Bol mê pal gơs sàng goh, bơh añ la sàng goh.”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.