Lebi 6:16 - Sră Goh 2018

¹⁶ Arôn mơ ală kòn klau khai dê rơp sa pơnah gam wơl bơh phan ơn hơ̆, mơya pal sa ò gơs kañ di dô bă tiah sàng goh, bol khai pal sa gơ di ƀlàng jơng gùng Sàl Tòm Mat dê.

Lebi 6:16 ပူးပေါင်းရင်းမြစ်များ

II Yal Yau 31:14

Kôre kòn klau Imma cau Lebi, la cau kơp gàr Mpồng Dờng đah mattơngai lik, gơs broă tòm sền gàr ală phan jat nùs cau kòñ ơn Yàng Tom Trồ in, tòmpà ală phan neh ơn Yàng Jehôwa in bal mơ ală phan ơn is sàng goh rlau jơh.

Lik Ejiptơ 12:8

Tòm mang hơ̆ bol khai rơp sa poac buh hơđang ồs bal mơ biap bơtang mơ piang lă ò gơs kañ.

Ejekiel 44:29

Bol khai rơp sa ală phan ơn mơ kòi mbo, ală phan ơn tơwài bơta gơtup tìs mơ ală phan ơn tơwài glài, mơ jơh ală phan mơ cau Israel kòñ ơn Yàng Jehôwa in rơp gơrê bal mơ bol khai.

Lebi 2:3

Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 5:13

Lơh behơ̆ gen cau gơnoar ơn phan duh khoai rơp lơh gơs bơta tơwài glài cau hơ̆ in bơh ală bơta tồi glài mơ khai neh tìs, mơ khai rơp geh toh glài. Pơnah gam wơl phan ơn duh khoai dê rơp gơrê bal mơ cau gơnoar ơn phan duh khoai, kung be tòm phan ơn duh khoai mơ kòi mbo.”

Lebi 6:23

Kòp nơm phan ơn mơ kòi mbo cau gơnoar ơn phan duh khoai dê pal chu pơrguc jơh; ò di sa gơ.”

Lebi 6:26

Cau gơnoar ơn phan duh khoai ơn phan hơ̆ pal sa gơ; pal sa phan ơn do tòm dô bă tiah sàng goh, tòm ƀlàng jơng gùng Sàl Tòm Mat dê.

Khà Làng Bol 18:8

Gen Yàng Jehôwa đơs mơ Arôn lah: “Do, Añ neh jào mê in rcang gàr ală phan ơn duh khoai ơn Añ in; jơh ală phan ơn duh khoai sàng goh mơ cau Israel ơn Añ in gen Añ ai mê in mơ ală kòn klau mê in lơh gơs pơnah tòmpà gơrê bal mơ mê gam sùm sùm.

I Kôrintô 5:8

Behơ̆, bol he prap gàr tĕ bơta Pơjum Sa Lòt Gan mơ bañ ngui kañ yau, kung bañ ngui kañ bih khih mơ bơta iơh bơsak, mơya ngui piang lă ò gơs kañ, hơ̆ la piang lă song ngan mơ jơnau song.