Lebi 6:11 - Sră Goh 2018

¹¹ Lồc behơ̆ khai pal hồ ală ồi ào hơ̆ mơ soh ală ồi ào ndai, mơ cèng bùh hơ đah bơdìh sàl ơm di dô bă tiah neh ơn is sàng goh.

Lebi 6:11 ပူးပေါင်းရင်းမြစ်များ

Lik Ejiptơ 29:37

Tòm poh ngai tơwài glài tĕ cơnòng duh khoai in mơ ơn is gơ in gơlik gơs sàng goh. Gen cơnòng duh khoai rơp gơlik gơs sàng goh rlau jơh, mơ phan lơi tup di cơnòng duh khoai gen rơp gơlik sàng goh.

Ejekiel 44:19

Tòm tŭ bol khai lik di ƀlàng bơdìh la tiah gơs mat làng bol, bol khai pal hồ ồi ào mơ bol khai neh soh tòm tŭ duh broă tòm dơlam mơ lòi bol gơtòm ală ơdŭ ơn is sàng goh, mơ bol khai soh ală ồi ào ndai, tồ bol khai ò lơh làng bol in gơs sàng goh tài bơh ală ồi ào bol khai dê.

Lebi 16:27

Kơnrồ dam mơ be lơh gơs phan ơn tơwài glài, mhàm bol gơ neh cèng tòm Tiah Sàng Goh Ngan nàng lơh bơta tơwài glài, mhàm hơ̆ pal cèng hơ bơdìh sàl ơm; gơltau bol gơ poac mơ è gơ pal chu jơh.

Lebi 24:9

Piang lă hơ̆ gơrê bal mơ Arôn mơ ală kòn klau khai dê, bol khai pal sa piang lă hơ̆ tòm tiah sàng goh, tài bơh gơ la pơnah sàng goh rlau jơh tòm pơnah bol khai ơn lơh gơs phan ơn chu tòm ồs Yàng Jehôwa in.”

Lebi 4:12

hơ̆ la jơh ală phan gam wơl bơh di kơnrồ, khai pal cèng tus hơ đah bơdìh tiah sàl ơm, tus di tiah neh ơn is sàng goh, la tiah tuh sang bùh, mơ chu gơtòm lòng ồs sa hơđang gơnru bùh.

Lebi 4:21

Lồc behơ̆, khai rơp cèng kơnrồ dam hơ đah bơdìh tiah sàl ơm mơ chu gơtòm ồs kung be khai neh chu kơnrồ ne. Hơ̆ la phan ơn tơwài glài mpồl làng bol dê.

Lebi 6:10

Gen cau gơnoar ơn phan duh khoai rơp soh ồi ào mơ brài che dơmài khai dê, gơs ồi ào dơlam mơ brài che dơmài di să khai, mơ rơp chŏ bùh phan ơn chu pơrguc mơ ồs neh sa hơđang cơnòng duh khoai mơ ơn gơ di gah cơnòng duh khoai.

Lebi 6:12

Ồs hơđang cơnòng duh khoai pal lòi gơ sa hơng sùm; ò di lòi gơ chơt. Kòp àng drim cau gơnoar ơn phan duh khoai pal ơn bơtơl lòng mơ rơndap phan ơn chu pơrguc hơđang ồs mơ chu dơngi ală phan ơn bơta ring lơngai hơđang hơ̆.

Lebi 6:20

“Do la phan ơn mơ Arôn bal mơ ală kòn klau khai dê rơp cèng tus Yàng Jehôwa in tòm ngai kòp nă bol khai geh bong mơñà: dô pơnah jơt epha kơmbuh phe rhền lơh gơs phan ơn mơ kòi mbo òs ơn, nggùl tòm àng drim mơ nggùl tòm trồ mho.

Lebi 6:22

Kòn klau rơp geh bong mơñà nàng tơrbŏ gơnoar broă khai dê rơp rcang phan ơn hơ̆. Hơ̆ la pơnah ơn Yàng Jehôwa in mơ pal chu pơrguc jơh.

Lebi 7:6

Jơh cau klau tòm hìu nhă cau gơnoar ơn phan duh khoai rgơi sa gơ, mơya pal sa tòm dô bă tiah sàng goh, hơ̆ la phan sàng goh rlau jơh.