Lebi 5:7 - Sră Goh 2018

⁷ Mơya dilah khai ò rgơi tơl pràn nàng ơn dô nơm belàt kòn hala be kòn, khai pal cèng tus hơ Yàng Jehôwa bơh bơta tơm tồi glài khai dê, bàr nơm sềm ntòp hala bàr nơm kòn ntòp hui: dô nơm lơh gơs phan ơn tơwài glài mơ dô nơm lơh gơs phan ơn chu pơrguc.

Lebi 5:7 ပူးပေါင်းရင်းမြစ်များ

Lebi 12:6

Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài.

Lebi 12:8

Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”

Lebi 14:30

Lồc behơ̆ khai rơp ơn ală sềm ntòp mơ ală sềm ntòp hui mơ cau hơ̆ rgơi gơs,

Lebi 14:31

dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc, bal mơ phan ơn mơ kòi mbo. Lơh behơ̆ gen cau gơnoar ơn phan duh khoai rơp lơh gơs bơta tơwài glài di đap Yàng Jehôwa cau rơp geh goh in.”

Lebi 15:30

Cau gơnoar ơn phan duh khoai pal ơn dô nơm lơh gơs phan ơn tơwài glài, mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài cau ùr hơ̆ in di đap Yàng Jehôwa bơh bơta ò goh bơta gơlik mhàm khai dê.

Lebi 16:5

Khai pal ai bàr nơm be dam bơh di mpồl jơnum Israel dê nàng lơh gơs phan ơn tơwài glài mơ dô nơm belàt dam nàng lơh gơs phan ơn chu pơrguc.

Lebi 27:8

Dilah cau lơi neh ho nền la cau rƀah lơòi ngan ò rgơi tơm jat be ntum khà priă neh lơh nền, khai pal cèng cau lơh gơs phan ơn hơ̆ tus hơ cau gơnoar ơn phan duh khoai mơ cau gơnoar ơn phan duh khoai rơp lơh nền khà priă jat be cau neh ho nền hơ̆ rgơi tơm.

Lebi 5:11

Bulah behơ̆, dilah khai ò rgơi gơs bàr nơm sềm ntòp hala bàr nơm kòn ntòp hui, gen tài bơh tồi glài khai dê khai pal cèng tus dô pơnah jơt epha kơmbuh phe rhền nàng lơh gơs dô nơm phan ơn tơwài glài. Khai ò di ơn mơñà hala kơlhô ƀô bơlhu hơđang gơ, tài bơh hơ̆ la dô nơm phan ơn tơwài glài.

Lebi 7:1

Do la ală sơnoa rnoas bơh phan ơn tơwài glài gơtup tìs, la dô nơm phan ơn sàng goh rlau jơh.

Lebi 9:3

Lồc behơ̆ đơs mơ cau Israel lah: ‘Ai tĕ dô nơm be dam nàng lơh gơs phan ơn tơwài glài, dô nơm kơnrồ kòn mơ dô nơm belàt, jơh bàr nơm pal gơs dô nam mơ ò gơs tềl sồt, nàng lơh gơs dô nơm phan ơn chu pơrguc,

Khà Làng Bol 5:6

“Đơs tĕ mơ cau Israel lah: Tòm tŭ dô nă cau klau hala cau ùr lơh bơta tìs mơ dô nă cau ndai bulah tòm bơta lơi, mơ lơh behơ̆ la ò dòn song mơ Yàng Jehôwa, gen cau hơ̆ gơkòl glài,

Khà Làng Bol 6:10

Gen tòm ngai dơ̆ phàm khai pal cèng dô yô ntòp hala bàr nơm ntòp hui gam dềt tus hơ cau gơnoar ơn phan duh khoai di mpồng Sàl Tòm Mat.

Khà Làng Bol 6:11

Cau gơnoar ơn phan duh khoai rơp ơn dô nơm lơh gơs phan ơn tơwài glài mơ dô nơm lơh gơs phan ơn chu pơrguc nàng tơwài glài khai in, tài bơh khai neh tìs glài bơh neh ơm di đap ƀồc chơt. Kung tòm ngai hơ̆ khai pal ơn is sàng goh bồ khai dê.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Mathiơ 21:12

Yàng Jesu mut tòm hìu duh khoai Yàng Tom Trồ dê, bơtrơh tơlik jơh ală cau kă bro tòm hơ̆, tơlo cơnòng cau gơl priă mơ cơnòng nggui cau tac sềm ntòp,

Mathiơ 3:16

Dơ̆ neh ƀaptem rau, Yàng Jesu guh mo bơh dà. Ne, ală tap trồ gơ pò, mơ Kơnràñ gŏ Hwềng Yàng Tom Trồ dê be dô nơm sềm ntòp mù rơp hơđang Kơnràñ.

Luka 2:24

mơ ơn phan duh khoai jat be bơta boh lam Yàng neh sồr, la dô yô ntòp hala bàr nơm kòn ntòp hui.

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.