Lebi 5:6 - Sră Goh 2018

⁶ mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 5:6 ပူးပေါင်းရင်းမြစ်များ

Ejekiel 40:39

Tòm ƀlàng rơng gùng mpồng pơnggàr dê gơs bàr nơm cơnòng ơn phan tòm kòp đah, hơđang hơ̆ cau sreh tơnchơt ală phan ơn duh khoai chu pơrguc, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài.

Ejekiel 42:13

Gen cau hơ̆ đơs mơ añ; “Ală ơdŭ đah đang mơ đah đơm di đap ƀlàng hìu duh khoai dê la ală ơdŭ sàng goh, la tiah ală cau gơnoar ơn phan duh khoai tus rềp hơ Yàng Jehôwa rơp sa ală phan ơn duh khoai sàng goh rlau jơh. Tềng hơ̆ bol khai rơp ơn ală phan ơn duh khoai sàng goh rlau jơh, hơ̆ la ală phan ơn duh khoai mơ kòi mbo, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài, bơh tiah hơ̆ la tiah sàng goh.

Ejekiel 44:27

Tòm ngai khai lòt mut tòm ƀlàng dơlam tiah sàng goh dê nàng duh broă tòm tiah sàng goh, khai pal ơn phan ơn duh khoai tơwài glài să tòm khai in, Jehôwa Yàng Tom Trồ đơs behơ̆.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 4:28

Tòm tŭ khai neh git tồi glài khai neh tìs gen khai pal cèng dô nơm phan ơn la dô nơm be dra ò tềl sồt.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 4:32

Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt.

Lebi 4:35

Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”

Lebi 6:6

Mơ khai pal cèng tus hơ cau gơnoar ơn phan duh khoai, be la phan ơn tơwài glài khai dê nàng ơn Yàng Jehôwa in, dô nơm belàt dam ò sồt rmàñ bơh di mpồl belàt khai dê, mơ kas màng di pal.

Khà Làng Bol 6:12

Khai pal ơn is sàng goh să tòm khai dê Yàng Jehôwa in tòm pah tơngai ơn is mơ pal cèng dô nơm belàt dam dô nam nàng lơh gơs phan ơn tơwài bơta tìs glài. Ală ngai lài mơ hơ̆ gen ò gŏ kòp, tài bơh khai neh gơlik gơs ƀơ̆ ƀơl tòm pah tơngai khai geh ơn is.