Lebi 5:18 - Sră Goh 2018

¹⁸ Khai pal cèng tus hơ cau gơnoar ơn phan duh khoai dô nơm phan ơn tơwài bơta tồi glài gơtup tìs la dô nơm belàt dam bơh di mpồl belàt khai dê, ò tềl sồt mơ kas màng di pal. Jat bơta neh lơh nền gen cau gơnoar ơn phan duh khoai rơp lơh gơs bơta tơwài glài khai in bơh bơta tìs mơ khai neh gơtup tìs, mơ khai rơp geh toh glài.

Lebi 5:18 ပူးပေါင်းရင်းမြစ်များ

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 1:4

Khai pal ơn tê khai dê di bồ phan ơn chu pơrguc hơ̆, gen gơ rơp geh dòp ala khai nàng tơwài glài khai in.

Lebi 14:12

Gen cau gơnoar ơn phan duh khoai pal ai dô nơm tòm bàr nơm belàt kòn mơ ơn gơlơh gơs phan ơn tơwài glài, bal mơ dô pơnah pe lit mơñà; khai pal tơyài ală phan hơ̆ di đap Yàng Jehôwa lơh gơs dô nơm phan ơn tơyài.

Lebi 4:20

mơ lơh di kơnrồ dam do tòm toh kung be khai neh lơh di kơnrồ lơh gơs phan ơn tơwài glài. Lơh behơ̆, gen cau gơnoar ơn phan duh khoai rơp lơh gơs bơta tơwài glài bol khai in, mơ bol khai rơp geh toh glài.

Lebi 5:17

Dilah dô nă cau tìs glài mơ lơh bơta neh bơkơ̆u tòm ală bơta sồr lam Yàng Jehôwa dê, khai neh tìs glài mơ pal kong lơh glài bơh bơta hơ̆.

Lebi 5:19

Hơ̆ la phan ơn tơwài glài gơtup tìs, khai neh tìs glài bơh bơta tìs tòmdră mơ Yàng Jehôwa.”

Khà Làng Bol 15:24

mơ dilah bơta neh lơh hơ̆ la ò di bơh nùs kòñ lơh, la bơta mơ mpồl jơnum làng bol ò git lài, gen jơh dô mpồl jơnum làng bol dê pal ơn dô nơm kơnrồ dam gam dềt lơh gơs phan ơn chu pơrguc gơs ƀô bơlhu niam nùs Yàng Jehôwa, bal mơ phan ơn mơ kòi mbo be neh cih mơ phan ơn pơdơng, mơ dô nơm be dam lơh gơs phan ơn tơwài glài.