Lebi 5:11 - Sră Goh 2018

¹¹ Bulah behơ̆, dilah khai ò rgơi gơs bàr nơm sềm ntòp hala bàr nơm kòn ntòp hui, gen tài bơh tồi glài khai dê khai pal cèng tus dô pơnah jơt epha kơmbuh phe rhền nàng lơh gơs dô nơm phan ơn tơwài glài. Khai ò di ơn mơñà hala kơlhô ƀô bơlhu hơđang gơ, tài bơh hơ̆ la dô nơm phan ơn tơwài glài.

Lebi 5:11 ပူးပေါင်းရင်းမြစ်များ

Lik Ejiptơ 16:18

Mơ tòm tŭ bol khai was mơ ôme; gen cau lơi dòñ oă kung ò tơngkah, cau lơi dòñ dô êt kung ò siơ̆u; kòp nă dòñ tơl jat be khai pal càng.

Lik Ejiptơ 16:36

Mơ tai, dô ôme la dô pơnah jơt epha dê.

Lebi 1:14

Dilah phan ơn duh khoai Yàng Jehôwa la dô nơm phan ơn chu pơrguc mơ ală sềm gen khai pal ơn dô nơm ntòp hala dô nơm kòn ntòp hui.

Lebi 12:8

Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”

Lebi 14:21

Bulah behơ̆, dilah cau hơ̆ rƀah mơ ò rgơi gơs ală phan hơ̆, khai pal cèng dô nơm belàt dam lơh gơs phan ơn tơwài glài bơta gơtup tìs ơn tơyài ma kiau nàng lơh gơs bơta tơwài glài khai in, bal mơ dô pơnah jơt epha kơmbuh phe rhền bơcă bal mơ mơñà nàng lơh gơs phan ơn mơ kòi mbo, dô pơnah pe lit mơñà,

Lebi 27:8

Dilah cau lơi neh ho nền la cau rƀah lơòi ngan ò rgơi tơm jat be ntum khà priă neh lơh nền, khai pal cèng cau lơh gơs phan ơn hơ̆ tus hơ cau gơnoar ơn phan duh khoai mơ cau gơnoar ơn phan duh khoai rơp lơh nền khà priă jat be cau neh ho nền hơ̆ rgơi tơm.

Lebi 5:12

Khai rơp cèng gơ tus hơ cau gơnoar ơn phan duh khoai, gen cau gơnoar ơn phan duh khoai rơp ai dô sơmbat kơmbuh phe hơ̆ lơh gơs dô pơnah lòi kirsơnre, mơ chu gơ hơđang cơnòng duh khoai hơđang ală phan ơn chu mơ ồs ơn Yàng Jehôwa in. Hơ̆ la dô nơm phan ơn tơwài glài.

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 5:9

mơ rơp rsìh dô êt mhàm phan ơn tơwài glài dê di gah cơnòng duh khoai; mhàm gam wơl pal tuh jơh di jơng cơnòng duh khoai. Hơ̆ la phan ơn tơwài glài.

Lebi 6:20

“Do la phan ơn mơ Arôn bal mơ ală kòn klau khai dê rơp cèng tus Yàng Jehôwa in tòm ngai kòp nă bol khai geh bong mơñà: dô pơnah jơt epha kơmbuh phe rhền lơh gơs phan ơn mơ kòi mbo òs ơn, nggùl tòm àng drim mơ nggùl tòm trồ mho.

Khà Làng Bol 5:15

gen khai pal lam bau ùr khai tus hơ cau gơnoar ơn phan duh khoai. Khai kung pal cèng dô nơm phan ơn duh khoai la dô pơnah jơt epha kơmbuh phe kòi màc nàng ơn ala bau ùr khai in. Khai ò di tuh mơñà hơđang phan ơn hơ̆ hala ơn kơmbuh kơlhô hơđang gơ, tài bơh hơ̆ la dô nơm phan ơn mơ kòi mbo bơh bơta ƀoah pơrñat, dô nơm phan ơn tơngkah wơl nàng lơh cau in kơlôi kah bơh bơta tìs glài.

Khà Làng Bol 7:13

Phan ơn duh khoai khai dê la dô nơm prềng priă kơnjơ̆ dô rhiang pe jơt sieklơ, mơ dô nơm jơrlŭ priă ơn dà rsìh kơnjơ̆ poh jơt sieklơ, jơh bàr nơm kơr jat sieklơ tiah sàng goh dê, kòp nơm ơn bềng kơmbuh phe rhền bơcă bal mơ mơñà lơh gơs dô nơm phan ơn duh khoai mơ kòi mbo;

Luka 2:24

mơ ơn phan duh khoai jat be bơta boh lam Yàng neh sồr, la dô yô ntòp hala bàr nơm kòn ntòp hui.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.