Lebi 4:32 - Sră Goh 2018

³² Dilah khai cèng dô nơm belàt lơh gơs phan ơn tơwài glài gen khai pal cèng dô nơm belàt dra ò tềl sồt.

Lebi 4:32 ပူးပေါင်းရင်းမြစ်များ

Lik Ejiptơ 12:3

Đơs tĕ mơ jơh mpồl jơnum cau Israel dê lah, tòm ngai jơt kơnhai do, kòp nă cau klau pal kup dô nơm belàt kòn hìu nhă khai in, kòp hìu nhă dô nơm.

Lik Ejiptơ 12:5

Kup tĕ bơh di mpồl belàt hala mpồl bol mê dê dô nơm belàt dam hala dô nơm be dam tơl dô nam ò sồt rmàñ.

Esai 53:7

Kơnràñ neh kong rồn bơklơn mơ neh kong pơnjê pơngkồr, bulah behơ̆ Kơnràñ neh ò pò bơr Kơnràñ dê; Kơnràñ neh kong tề kung be dô nơm belàt kòn tus hơ tiah lơh poac, kung be dô nơm belàt ơm mŏ mŏ di đap cau siat sơnò gơ, Kơnràñ neh ò pò bơr Kơnràñ dê.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 4:28

Tòm tŭ khai neh git tồi glài khai neh tìs gen khai pal cèng dô nơm phan ơn la dô nơm be dra ò tềl sồt.

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 1:36

gŏ Yàng Jesu lòt gan, gen khai đơs lah: “Ne, Belàt Kòn Yàng Tom Trồ dê!”

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

I Pier 2:22

“Kơnràñ ò tìs glài, Tòm bơr Kơnràñ ò gơs bơta lac lèo.”

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

Yal Tơlik 5:6

Digùl sơbàn mơ poan nơm phan wìn kis, mơ digùl ală cau kwang kra, añ gŏ dô nơm Belàt Kòn ntào gơlơh be neh kong sreh chơt, gơs poh nơm ngke mơ poh nơm gar mat, la poh Hwềng Yàng Tom Trồ dê kong sồr lòt tus làm jơh plai ù.