Lebi 4:31 - Sră Goh 2018

³¹ Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 4:31 ပူးပေါင်းရင်းမြစ်များ

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Ejra 6:10

tồ bol khai rgơi ơn phan duh khoai niam nùs Yàng hơđang trồ, mơ hòi dan bơta lơngai cau bơtau bal mơ ală kòn cau bơtau in.

Sră Jop 42:8

Gen tàng, tŭ do kup tĕ poh nơm kơnrồ dam mơ poh nơm belàt dam mơ lòt tus hơ Jop la cau duh broă Añ jê, mơ ơn tĕ phan ơn chu pơrguc să tòm mê in; mơ cau duh broă Añ jê la Jop rơp hòi dan bol mê in; mơ Añ rơp dòp jơnau hòi dan khai dê, mơ ò lơh bol mê in jat be bơta bơrngơl gơla bol mê dê, bơh bol mê ò đơs bơh Añ dô bă di pal kung be cau duh broă Añ jê la Jop neh đơs.”

Lik Ejiptơ 29:18

Gen chu tĕ jơh hir dô nơm belàt dam hơđang cơnòng duh khoai. Hơ̆ la dô nơm phan ơn chu pơrguc, gơs ƀô bơkah ơn Yàng Jehôwa in.

Esai 42:21

Yàng Jehôwa niam nùs bơh bơta song ring Kơnràñ dê, lơh bơta boh lam Kơnràñ dê dờng màng mơ gơklŏ.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Lebi 1:13

Khai pal ai dà mơ rào jơh ală phan tòm dơlam bal mơ jơng gơ, mơ cau gơnoar ơn phan duh khoai pal cèng jơh ală phan hơ̆ mơ chu hơđang cơnòng duh khoai. Hơ̆ la dô nơm phan ơn chu pơrguc, dô nơm phan chu mơ ồs, gơs ƀô bơlhu niam nùs Yàng Jehôwa.

Lebi 1:17

Khai pal at di ală pơnđar mơ crè gơ gơs bàr pơnah mơya ò di gơltac is gơ dê, lồc behơ̆ cau gơnoar ơn phan duh khoai rơp chu gơ hơđang lòng ồs sa hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu mơ ồs gơs ƀô bơlhu niam nùs Yàng Jehôwa.’”

Lebi 1:9

Khai pal ai dà mơ rào ală pơnah tòm dơlam kơnrồ bal mơ ală jơng gơ dê, mơ cau gơnoar ơn phan duh khoai pal chu jơh ală phan hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu tòm ồs, gơs ƀô bơlhu niam nùs Yàng Jehôwa.

Lebi 14:18

Mơñà gam wơl tòm mpàng tê cau gơnoar ơn phan duh khoai dê rơp ơn di bồ cau rơp geh goh dê mơ lơh gơs bơta tơwài glài khai in di đap Yàng Jehôwa.

Lebi 15:15

Cau gơnoar ơn phan duh khoai pal ơn bol gơ, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc. Lơh behơ̆, gen khai lơh gơs bơta tơwài glài di đap Yàng Jehôwa cau hơ̆ in tài bơh bơta gơhòr lik bơh di să khai.

Lebi 19:22

Cau gơnoar ơn phan duh khoai rơp ngui belàt dam hơ̆ lơh gơs phan ơn tơwài glài nàng tơwài glài cau hơ̆ in di đap Yàng Jehôwa bơh tồi glài khai neh tìs, mơ tồi glài khai dê rơp geh toh.

Lebi 2:2

Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

Lebi 2:9

Cau gơnoar ơn phan duh khoai rơp tă dô pơnah lòi kah kirsơnre bơh di phan ơn nàng ơn Yàng Jehôwa in, mơ chu gơ hơđang cơnòng duh khoai lơh gơs dô nơm phan ơn chu mơ ồs, gơs ƀô bơlhu niam nùs Yàng Jehôwa.

Lebi 4:19

Khai rơp tă jơh ală dơngi bơh di gơ mơ chu gơ hơđang cơnòng ơn phan duh khoai,

Lebi 4:26

Khai kung rơp chu jơh dơngi hơđang cơnòng duh khoai kung be khai neh chu dơngi phan ơn duh khoai bơta ring lơngai dê. Lơh behơ̆ gen cau gơnoar ơn phan duh khoai rơp lơh bơta tơwài glài cau tìs glài in, mơ khai rơp geh toh glài.

Lebi 4:35

Khai pal tă jơh dơngi tòm toh kung be khai neh tă bơh di belàt phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai hơđang ală phan ơn chu pơrguc ơn Yàng Jehôwa in. Lơh behơ̆, gen cau gơnoar ơn phan duh khoai rơp lơh gơs bơta tơwài glài cau hơ̆ in bơh tồi glài khai neh tìs, mơ khai rơp geh toh glài.”

Lebi 5:10

Mơ sềm dơ̆ bàr, cau gơnoar ơn phan duh khoai rơp ơn be dô nơm phan ơn chu pơrguc, jat be bơta neh lơh nền gơs phan ơn tơwài glài khai in bơh tồi glài mơ khai neh tìs, mơ khai rơp geh toh glài.

Lebi 5:6

mơ bơta lơh glài bơh glài khai neh tìs la khai pal cèng tus hơ Yàng Jehôwa dô nơm belàt kòn dra hala be dra bơh di mpồl belàt nàng lơh gơs phan ơn tơwài glài; mơ cau gơnoar ơn phan duh khoai rơp lơh bơta tơwài glài khai in bơh tồi glài khai dê.

Lebi 8:21

Khai ai dà rào ală pơnah tòm dơlam mơ jơng mơ chu jơh dô nơm belàt dam hơđang cơnòng duh khoai lơh gơs dô nơm phan ơn chu pơrguc gơs ƀô bơlhu niam nùs, dô nơm phan ơn chu tòm ồs ơn Yàng Jehôwa in jat be Yàng Jehôwa neh sồr Môise.

Khà Làng Bol 15:25

Cau gơnoar ơn phan duh khoai pal lơh gơs bơta tơwài glài jơh mpồl jơnum làng bol in, mơ bol khai rơp geh toh glài, bơh bơta tìs hơ̆ ò di la bơh nùs kòñ, mơ bơh bơta lơh tìs bol khai dê gen bol khai pal cèng ơn Yàng Jehôwa in dô nơm phan ơn chu tòm ồs mơ dô nơm phan ơn tơwài glài.

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 10:12

Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,