Lebi 4:22 - Sră Goh 2018

²² Tòm tŭ dô nă cau kwang at bồ gơtup tìs dùl tòm ală bơta sồr lam Jehôwa la Yàng Tom Trồ he dê, lơh dô bơta neh bơkơ̆u ò pal lơh, gen khai neh tìs glài.

Lebi 4:22 ပူးပေါင်းရင်းမြစ်များ

Đơs Crih 19:13

Dan kung sền gàr cau duh broă Yàng dê klàs bơh di bơta kòñ tìs tòm tồi glài; Dan bơta hơ̆ ò geh at bồ añ; Gen añ rơp ò gơs tiah geh lah pơrhơng, mơ ò tìs tòm glài dờng.

Lik Ejiptơ 18:21

Mơya sac rwah tĕ tòm mpồl làng bol ală cau klau chài rgơi, duh rngòt di Yàng Tom Trồ, rgơi dòn kơnòm, gơjrañ di cồng nha ƀơ̆ ƀơl, pồ bơtào bol khai gơs cau at bồ, cau ƀà hơđang dô rbô nă, cau ƀà hơđang dô rhiang nă, cau ƀà hơđang pram jơt nă, mơ cau ƀà hơđang jơt nă.

Cau Bơto 5:6

Bañ lòi bơr mê lam mê mut tòm tồi glài, mơ bañ đơs di đap cau kong sồr Yàng Tom Trồ dê, “hơ̆ la gơtup tìs.” Ñchi bơh tài lơh Yàng Tom Trồ in gơhào gơjrañ bơh jơnau đơs mê, mơ Kơnràñ tơnroh broă lơh tê mê dê taih?

Lebi 4:13

Dilah jơh dô mpồl jơnum làng bol Israel gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê, bulah mpồl jơnum làng bol ò đal git bơta tồi glài bol khai neh tìs, gen bol khai kung neh tìs tòm tồi glài rau.

Lebi 4:2

“Đơs tĕ mơ làng bol Israel lah: Tòm tŭ gơs cau lơi gơtup tìs tòm tồi glài mơ lơh bơta neh bơkơ̆u tòm ală bơta sồr lam Yàng Jehôwa dê.

Lebi 4:27

Dilah dô nă cau tòm mpồl làng bol gơtup tìs tòm bơta tồi glài mơ lơh dô bơta neh bơkơ̆u tòm ală jơnau sồr Yàng Jehôwa dê gen khai neh tìs glài.

Lebi 5:17

Dilah dô nă cau tìs glài mơ lơh bơta neh bơkơ̆u tòm ală bơta sồr lam Yàng Jehôwa dê, khai neh tìs glài mơ pal kong lơh glài bơh bơta hơ̆.

Khà Làng Bol 15:22

“‘Mơ tai, dilah bol mê nisơna gơtup tìs tòm ală bơta sồr lam mơ Yàng Jehôwa neh ai Môise in,

Khà Làng Bol 15:24

mơ dilah bơta neh lơh hơ̆ la ò di bơh nùs kòñ lơh, la bơta mơ mpồl jơnum làng bol ò git lài, gen jơh dô mpồl jơnum làng bol dê pal ơn dô nơm kơnrồ dam gam dềt lơh gơs phan ơn chu pơrguc gơs ƀô bơlhu niam nùs Yàng Jehôwa, bal mơ phan ơn mơ kòi mbo be neh cih mơ phan ơn pơdơng, mơ dô nơm be dam lơh gơs phan ơn tơwài glài.

Khà Làng Bol 16:2

bơtào tòmdră mơ Môise. Gơs bàr rhiang pram jơt nă cau jat bol khai, hơ̆ la ală cau at bồ tiơng pơnro mpồl jơnum làng bol dê, la cau neh geh pồ bơtào tòm mpồl cau kwang at bồ.

Khà Làng Bol 31:13

Môise, Eleajar cau gơnoar ơn phan duh khoai mơ jơh ală cau kwang at bồ mpồl jơnum dê lik lòt tìp mat mơ bol khai di tiah bơdìh sàl ơm.

Khà Làng Bol 32:2

Behơ̆ bol khai lòt tus hơ Môise mơ Eleajar cau gơnoar ơn phan duh khoai mơ ală cau gơnoar at bồ mpồl jơnum, mơ đơs lah:

Khà Làng Bol 35:11

gen sac rwah tĕ dô êt ƀòn dờng lơh gơs ƀòn dờng kìng crŭ bol mê dê, la tiah dô nă cau neh gơtup gơtơl tơnchơt dô nă cau gen khai rgơi dô tus tềng hơ̆.