Lebi 27:9 - Sră Goh 2018

⁹ Dilah phan khai neh ho ơn la dô nơm phan poan jơng geh ơn lơh gơs phan ơn Yàng Jehôwa in, phan poan jơng ơn Yàng Jehôwa in hơ̆ gơlik gơs sàng goh.

Lebi 27:9 ပူးပေါင်းရင်းမြစ်များ

Jơnau Pơnđik 20:25

Đơs dô bă sơrbac sơrbang lah: “Phan do la phan goh!” Mơ tơnơ̆ mơ tŭ neh ho pơgon rau, gen kơlôi sơnơng wơl, hơ̆ ngan la dô nơm dă cau in.

Cau Bơto 5:6

Bañ lòi bơr mê lam mê mut tòm tồi glài, mơ bañ đơs di đap cau kong sồr Yàng Tom Trồ dê, “hơ̆ la gơtup tìs.” Ñchi bơh tài lơh Yàng Tom Trồ in gơhào gơjrañ bơh jơnau đơs mê, mơ Kơnràñ tơnroh broă lơh tê mê dê taih?

Ejekiel 48:14

Bol khai ò rgơi tac hala tòmgơl dô pet lơi tòm hơ̆; do la ù tiah niam rlau jơh mơ ò rgơi jào tòm tê cau ndai, tài bơh gơ neh ơn is sàng goh Yàng Jehôwa in.

Lebi 27:10

Khai ò di tòmgơl gơ hala ơn dô nơm niam ala dô nơm ò niam, hala dô nơm ò niam ala dô nơm niam; dilah khai pal ơn dô nơm phan poan jơng do ala dô nơm ne gen jơh bàr nơm phan ơn hơ̆ gơlik gơs sàng goh.

Lebi 27:8

Dilah cau lơi neh ho nền la cau rƀah lơòi ngan ò rgơi tơm jat be ntum khà priă neh lơh nền, khai pal cèng cau lơh gơs phan ơn hơ̆ tus hơ cau gơnoar ơn phan duh khoai mơ cau gơnoar ơn phan duh khoai rơp lơh nền khà priă jat be cau neh ho nền hơ̆ rgơi tơm.

Lebi 5:15

“Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.

Mathiơ 15:5

Mơya bol mê đơs lah: ‘Dilah cau lơi đơs mơ mè bèp lah: Ală bơta lơi añ rgơi dong kòl mè bèp, añ neh ơn Yàng Tom Trồ in rau, gen cau hơ̆ ò càng dòn duh mè bèp tai.’