Lebi 27:3 - Sră Goh 2018

³ Lơh nền tĕ ntum khà priă dô nă cau klau digùl bàr jơt nam mơ prau jơt nam la pram jơt sieklơ priă jat sieklơ Tiah Sàng Goh dê;

Lebi 27:3 ပူးပေါင်းရင်းမြစ်များ

II Ală Bơtau 12:4

Jôas đơs mơ ală cau gơnoar ơn phan duh khoai lah: “Ală khà priă neh lơh nền ơn is sàng goh geh cèng tơmut tòm Hìu duh khoai Yàng Jehôwa, hơ̆ la priă kòp nă cau neh lơh nền khà ơn, khà priă bơh bơta neh lơh nền kòp nă dê, mơ priă kòp nă chò nùs cèng ơn tòm hìu duh khoai Yàng Jehôwa dê,

Lik Ejiptơ 30:13

Kòp nă cau neh mut tòm mpồl cau neh geh kòp rau gen pal ơn nggùl sieklơ, jat sieklơ tiah sàng goh dê, kơnjơ̆ bàr jơt gera. Nggùl sieklơ do, la phan ơn Yàng Jehôwa in.

Lik Ejiptơ 38:24

Jơh ală màh neh ơn tòm ală phan ơn tơyài hơđang mơ neh ngui tòm ală broă Tiah Sàng Goh dê la dô rbô kơr jat sieklơ Tiah Sàng Goh dê.

Lebi 27:14

Dilah dô nă cau ơn hìu ơm khai dê lơh gơs dô nơm phan sàng goh Yàng Jehôwa in, cau gơnoar ơn phan duh khoai pal lơh nền bơta kas màng hìu hơ̆ dê: la niam hala ò. Cau gơnoar ơn phan duh khoai rơp lơh nền hìu hơ̆ kas màng kàr lơi gen hơ̆ la bơta kas màng hìu hơ̆ dê.

Lebi 27:25

Kòp ntum khà priă lơh nền bơh bơta kas màng gơ dê pal geh lơh nền jat sieklơ Tiah Sàng Goh dê, hơ̆ la bàr jơt gera dô sieklơ.

Lebi 27:4

mơ dilah hơ̆ la dô nă cau ùr, lơh nền tĕ ntum khà priă khai dê la pe jơt sieklơ.

Lebi 5:15

“Tòm tŭ gơs dô nă cau gơtup tìs tòm bơta sồr lam Yàng Jehôwa dê gơwèt hơ ală phan goh, gen tài bơh bơta lơh glài khai dê khai pal cèng tus hơ Yàng Jehôwa dô nơm belàt dam bơh di mpồl belàt khai dê, ò tềl sồt mơ kas màng di pal mơ khà priă lơh nền jat be sieklơ Tiah Sàng Goh dê. Hơ̆ la dô nơm phan ơn tơwài glài gơtup tìs.

Lebi 6:6

Mơ khai pal cèng tus hơ cau gơnoar ơn phan duh khoai, be la phan ơn tơwài glài khai dê nàng ơn Yàng Jehôwa in, dô nơm belàt dam ò sồt rmàñ bơh di mpồl belàt khai dê, mơ kas màng di pal.

Khà Làng Bol 18:16

Tòm tŭ gơ neh geh tơl dô nam, mê pal tơwài gơ wơl jat khà priă lơh nền la pram sieklơ, jat sieklơ tiah sàng goh dê, kơr geh bàr jơt gera.

Khà Làng Bol 3:47

gen dòp tĕ pram sieklơ dô nă, jat sieklơ ngui tòm tiah sàng goh, kòp sieklơ kơr geh bàr jơt gera.