Lebi 26:20 - Sră Goh 2018

²⁰ Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Lebi 26:20 ပူးပေါင်းရင်းမြစ်များ

Sơnròp Gơlik Gơs 4:12

Tòm tŭ mê tùc tam phan, ù ò hòn niam mê in; mê rơp dô lòt nrah nring tòm ù.”

I Ală Bơtau 18:2

Behơ̆, Eli lòt tơlik mat mơ Ahap. Gơs bơta jơgloh rung dờng ngan tòm Samari.

Sră Jop 31:40

Gen lòi tòm lò hòn ala kòi mi, Mơ ñhơt drung hòn ala kòi brà!” Ală jơnau Jop dê la jơh rau.

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Đơs Crih 127:1

Dilah Yàng Jehôwa ò bơt bơtào hìu, Gen ală cau chài bơt hìu lơh broă bòl glar ò kwơ. Dilah Yàng Jehôwa ò sền gàr ƀòn dờng, Gen cau drơng mang kơp gàr ò kwơ.

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 17:11

bulah bol mê lơh gơ in hòn, tòm ngai bol mê tam gơ, mơ lơh gơ in cat sơmbut, tòm àng drim bol mê neh sih gơ; rơp ò gơs dô nơm plai lơi tòm kơnhai pic plai, mơya tòm ngai moat jrùng mơ jê sồt ò rgơi geh sơmbòi.

Esai 49:4

Mơya añ neh đơs lah: “Añ neh lơh broă bòl glar ò bồ; añ neh roh pràn kơldang ò kwơ mơ roh lơm. Bulah behơ̆ bơta gơrềng tus di añ ơm tòm tê Yàng Jehôwa dê, mơ phan ƀàn añ jê la bal mơ Yàng Tom Trồ añ jê.”

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Lebi 26:4

Añ rơp đùh mìu bol mê in tòm toh kơnhai, ù tiah rơp gơlik kòi mbo mơ ală chi gơlik plai đo gơ dê.

Habakuk 2:13

Ò di la bơh Yàng Jehôwa Gơnap Gơnoar Dờng Làm Jơh neh lơh nền bơta bòl glar lơh broă làng bol dê mìng kung be lòng sing ồs, mơ ală lơgar kong bòl glar lơh broă ò kwơ ò ơ?

Sră Age 2:16

gen ală bơta gơlik gơs mbe lơi? Tòm tŭ dô nă cau tus di dô lŏ sre pal toès geh bàr jơt sah, mơya geh mìng jơt sah. Tòm tŭ dô nă cau tus di tiah pat tơrnòm ño nàng ai pram jơt yang, mơya gơs mìng bàr jơt yang lơm.

I Kôrintô 3:6

Añ neh tam, Apôlôs neh tuh dà, mơya Yàng Tom Trồ neh lơh gơ in hòn dờng.

Galati 4:11

Añ rngòt añ neh kong bòl glar lơh broă gen gơlik gơs ò kwơ digùl oh mi mòn.

Yal Wơl 11:17

Gen bơta gơjrañ Yàng Jehôwa dê rơp gơhào khuh tòmdră mơ bol mê, mơ Kơnràñ rơp til ală tap trồ tồ gơ ò dùh mìu mơ ù tiah ò gơlik plai đo, mơ bol mê rơp mhar roh rui bơh di lơgar niam mơ Yàng Jehôwa ai bol mê in.

Yal Wơl 28:18

Plai đo hìu kòn bol mê dê rơp kong srat sơntơm, plai đo ù tiah bol mê dê mơ ală kơnrồ kòn tòm ală mpồl phan poan jơng bol mê dê mơ ală belàt kòn rơp kong srat sơntơm.

Yal Wơl 28:42

Ală mpồl srah nting rơp sa roh jơh ală chi che bal mơ kòi mbo lơgar bol mê dê.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.