Lebi 26:14 - Sră Goh 2018

¹⁴ Mơya dilah bol mê ò bài iat Añ mơ prap gàr lơh jat jơh ală jơnau sồr do,

Lebi 26:14 ပူးပေါင်းရင်းမြစ်များ

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Broă 3:23

Dilah cau lơi ò iat jơnau Cau gơnoar hwơr hơ̆ gen rơp kòl tă tơlik mơ kong tơnroh bơh di làng bol Yàng Tom Trồ dê.’

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Jôsue 23:15

Mơya kung be kòp jơnau ho pơgon niam Jehôwa Yàng Tom Trồ bol mê dê neh gơlik di ngan bol mê in, gen Yàng Jehôwa kung rơp tơndùh hơđang bol mê jơh ală bơta iơh mơ Kơnràñ neh đơs pơhìn bol mê, jơl tus di tŭ Kơnràñ neh tơnroh bol mê bơh di lơgar niam do mơ Jehôwa Yàng Tom Trồ bol mê dê neh ai bol mê in.

Ală Kwang Cahrña 2:15

Tŭ lơi bol khai lik lòt tòmlơh, gen tê Yàng Jehôwa tòmdră mơ bol khai mơ cèng bơta rung rài hơđang bol khai, jat be jơnau Yàng Jehôwa neh yal tơnggit mơ neh srat să mơ bol khai; gen bol khai gơtìp tòm bơta bòl glar dờng ngan.

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.

II Yal Yau 7:19

Mơya dilah mê pơrlac mơ sang lòi ală bơta lơh nền mơ jơnau sồr mơ Añ neh ai mê in mơ lik lòt duh broă ală yàng ndai mơ duh khoai bol gơ,

Jơnau Pơnđik 3:33

Bơta srat sơntơm Yàng Jehôwa dê ơm hơđang hìu cau iơh bơsak, Mơya Kơnràñ ai lơngai tiah ơm cau song ring dê.

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 26:4

Mê pal đơs bol khai in lah: Yàng Jehôwa đơs be do: ‘Dilah bol mê ò bài iat Añ, ò lòt jat bơta boh lam Añ neh ơn di đap bol mê;

Jeremi 28:8

Ală cau gơnoar hwơr lài mơ Añ mơ lài mơ mê, bơh lài neh đơs hwơr bơh bơta kơlìn gơtoă, rung rài, mơ pluh plàng ală ƀòn dờng mơ ală lơgar in.

Jeremi 40:2

Cau lam bồ mpồl ling kơp gàr bơtau dê sồr lam Jeremi tus mơ đơs lah: “Jehôwa Yàng Tom Trồ mê neh lơh nền cèng bơta rung rài tiah do in;

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

Sră Ôse 7:12

Tòm tŭ bol khai lòt, Añ rơp sơrbì bơtơng Añ jê hơđang bol khai; Añ rơp tơmù bol khai kung be ală sềm bơh hơđang pah gòi; Añ rơp lơh glài tơmàl bol khai jat be bơta yal tơnggit bơh mpồl jơnum bol khai dê.

II Ală Bơtau 22:13

“Lòt tĕ hòi dan mơ Yàng Jehôwa añ in, làng bol in, mơ jơh Juda in, bơh ală jơnau tòm sră pa geh jòi bàn. Bơh bơta gơjrañ Yàng Jehôwa dê gơhào tòmdră mơ bol he ngan la dờng, tài bơh ồng pàng bol he ò bài dòn bơr ală jơnau tòm sră do, mơ ò lơh jat ală bơta neh cih bol he in.”

II Yal Yau 34:24

Do la jơnau đơs Yàng Jehôwa dê: ‘Añ rơp đùh bơta rung rài hơđang tiah do mơ hơđang làng bol gơ dê, hơ̆ la jơh ală jơnau srat sơntơm neh cih tòm dap sră do mơ neh geh sền di đap mat cau bơtau Juda dê.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.